Pepa o le Maliega e fo’ia ai faiga sese ma faiga pi’opi’o
Ua sainia e le Ofisa o Moliaga a le Atunuu (N.P.O) ma le Ofisa Su’etusi a Samoa se Pepa o le Maliega
O lea Pepa o le Maliega, na sainia i le vaiaso ua mavae, e faatagaina ai ofisa e galulue faatasi mo le tulaga solo lelei ma le faagasologa talafeagai o moliaga tau gaoioiga tau faasese ma le faatinoina lelei o moliaga e faasino i faiga tau faasese ma faiga pi’opi’o.
I totonu o se faamatalaga na tuuina atu e le N.P.O ananafi, na ia faaalia ai e faapea o le tomai i le taulimaina o gaoioiga lavelave tau faasese ma faiga pi’opi’o- ua tatau ma talafeagai ai mo moliaga talafeagai lelei o soliga-tulafono e pei ona tuua’ia ai.
“Ua i le Ofisa Su’etusi a Samoa sea poto masani lea e matua taua tele i le atiina a’e o nei mataupu tau moliaga lavelave mo le suesueina e le faamasinoga,” o le faitauina lea o lea pepa o faamatalaga. ”O lea ua i ai le faamoemoe e faapea o lenei faiga faa-paaga- o le a taunuu ai i ni moliaga e sili ona lelei ma ‘anoa- o nei mataupu lavelave ia e manaomia ai le poto faapitoa o tausitusi lea o le a taumafai le Ofisa o Su’etusi a Samoa e ati a’e.”