Pagota na sola i tua ae le’i maua lava.

Tusia Deidre Fanene ma Seagaitumua Tupuola ,

481 Hits

O LE ALII O LOO MANA’OMIA: Pagota na sola i tua mai le falepuipui ae le’i maua lava -o Tui Samuelu.

O LE ALII O LOO MANA’OMIA: Pagota na sola i tua mai le falepuipui ae le’i maua lava -o Tui Samuelu.

Ua uma ona lapata’ia le atunuu lautele. Ua sola ese se tagata gaoi mata’utia ma o loo sailia pea.O se pagota ua sola ese mai le falepuipui o Tui Samuelu o Manono-tai, Falelauniu-tai ma Vailoa o loo saili pea talu ona sola ese o ia mai le falepuipui i le lua vaiaso talu ai.

Na faaalia e le Fofoga o le Falepuipui o Sagaga Frost e faapea na solo ese Samuelu i le lua Aso Sa ua mavae.

E to’alua i la’ua na sosola ese ae o lena lava vaiaso na matou maua ai le isi to’atasi ae mo Tui Samuelu-ua le iloa pe o fea o le a maua ai,” o le faaaliga lea a Sagaga. 

Na matou maua faamatalaa mai tagata o Salelologa e faapea na vaaia o ia i Savaii i le vaiaso muamua-ae ina ua o’o atu la matou aufaigaluega i Savaii, ua le mafai ona latou maua o ia.”

 “O le isi faamatalaga na matou maua e faapea na vaaia o ia i Vailoa ma Manono ae sa matou siakina ia nofoaga ae le o i ai foi o ia.” O Samuelu o se tagata gaoi uiga ese.

“Ou te unaia sui o le atunuu lautele ina ia faamolemole ma faailoa mai ia i matou poo le valaau mai o le ofisa o leoleo pe a outou vaaia o ia,” o lana faaaliga lea. “Ua uma ona matou tuuina atu ona ata pu’e i nusipepa ma fale televise ina ia faaalia ina ia silafia ai e tagata lautele ona foliga.

“O ia o se tagata mata’utia ma e tatau ona tuu atu o ia i totonu o le falepuipui talu ai e le saogalemu mo tagata lautele i taimi uma lava e i ai o ia i tua.”

© Samoa Observer 2016

Developed by Samoa Observer in Apia