Fesoasoani mo e mana’omia

Tusia Deidre Fanene ,

85 Hits

Ofisa a le Rotary Club ma le Faalapotopotoga a le A.D.R.A Samoa.

Ofisa a le Rotary Club ma le Faalapotopotoga a le A.D.R.A Samoa.

E ova ma le 100 aiga sa mafatia i faiga le alofa a Gita ua mafai ona maua le fiafia.

O le aso ananafi sa oatu ai le faiga pa’aga a le Rotary Club ma le  Adventist Development and Relief Agency (A.D.R.A.) Samoa e tufatufa ni meaalofa mo nai aiga o lo’o mana’omia le fesoasoani.

O nei aiga e aofia ai ni meataumafa fa’apea ai ma ni pusa e fesoasoani i fa’alavelave fa’afuase’i.

I le fa’atalanoaga ma le Pule Fa’atonu o le A.D.R.A. S’a Julia Wallwork o le latou faigapa’aga ma le Rotary o se malosiaga lea mo latou ofisa.

“Sa logotala le Rotary Club i le galuega o lo’o matou faia nei o lea na latou fesiligia ai le matou ofisa pe mana’omia se fesoasoani,” o le saunoaga lea Su’a.

“Sa latou fesiligia pe matou te mana’omia se fesoasoani.

“Ia te a’u o le tele o faiga pa’aaga o le malosiaga fo’i o le matou fa’alapotopotoga.

“O le foa’i a le Rotary e aofia ai ni tapoleni, palanikeke, agaese, fao ma isi lava meatotino e mana’omia e aiga ta’itasi aua le toe fa’aleleia o latou fale ma meatotino sa fa’aleagaina e Gita.

“O aiga uma nei sa matou asia o le lisi sa aumai e le Ofisa o Fa’alavelave Tutupu Fa’afuase’i ma o i latou ia ua mafai ona matou tufatufaina atu iai ni meaalofa.

“E tolu ni vaega sa vaevaeina ai matou ofisa.

“O le avega muamua sa oatu i Falealili fa’asolo mai ai i Lauili’I, o lesi vaega o le talafatai o Apia, ao le isi vaega sa oatu i le pito lea i le aoga i le tai fa’asolo mai ai i Afega.”

Sa ia ta’ua fo’i o le vaiaso a sau nei o le a fa’atautaia ai lenei polokalame i Savaii.

E tusa ai ma le saunoaga a le peresetene o le Rotary Club Louise Main sa ia lagolagoina malosi ai le ofisa a le A.D.R.A. ma le galuega fita o lo’o latou faia.

O le aiga o Sene ma Afioga i Moamoa Uta sa latou taliaina ma le agaga fiafia le fesoasoani.

O lenei aiga e 13 le fanau a lenei ulugalii ma e leai se tasi e faigaluega.

E tusa ai ma le saunoaga a le la tama teine o May o ona matua e feagai ma le tausiga o latou.

Otilia Uili ma le Ofisa a lE A.D.R.A. Samoa.
Otilia Uili ma le Ofisa a lE A.D.R.A. Samoa.
Fanau a Sene ma Afioga i le afioaga o Moamoa Fou faapea ai ma le foisa o le ADRA Samoa
Fanau a Sene ma Afioga i le afioaga o Moamoa Fou faapea ai ma le foisa o le ADRA Samoa
June Ulugia mai Taufusi ma Unasa ma Philana mai le ADRA Samoa
June Ulugia mai Taufusi ma Unasa ma Philana mai le ADRA Samoa
Faatuvale
Faatuvale
Nisi o le Foisa a le A.D.R.A. Samoa faapea ai ma le tina ia Amia Aifee mai le afioaga o Ma’agao.
Nisi o le Foisa a le A.D.R.A. Samoa faapea ai ma le tina ia Amia Aifee mai le afioaga o Ma’agao.
Nisi o le Foisa a le A.D.R.A. Samoa faapea ai ma le tina ia Amia Aifee mai le afioaga o Ma’agao.
Nisi o le Foisa a le A.D.R.A. Samoa faapea ai ma le tina ia Amia Aifee mai le afioaga o Ma’agao.
Kalele Soonalote mai Vaitele Fou faapea ai ma le sui o le Rotary Club
Kalele Soonalote mai Vaitele Fou faapea ai ma le sui o le Rotary Club
Leiataualesa Tunu mai Vaitele Tai ma Asomaliu Matafeo mai Nuu.
Leiataualesa Tunu mai Vaitele Tai ma Asomaliu Matafeo mai Nuu.

Ae sa ta’ua e se tasi o le aufaigaluega a le ADRA o lenei ulugalii sa sulu atu i le ofisa mo se fesoasoani i le itu tau meaai mo le la fanau.

Sa mafai ona ave iai e le ofisa le pusa eleni ma le taga araisa i le vaiaso na te’a nei.

O Kalele Soonalote ma Sia’e Ropati Soonalote o Vaitele Fou sa fa’aalia le agaga fa’afetai i loimata o le fiafia.

“Fa’afetai lava mo lenei fa’amanuiaga.

“Fa’afetai fo’i i le malo ona o le tali mai i le augani atu a lenei aiga.

“Fa’afetai i nei fa’alapotopotoga e lua mo nei meaalofa ma nei mea’ai.

“O lea ua mama mai le avega a le tama i le tausiga o le aiga, aemaise ai o le fanau i aoga.”

O le aiga o Ilaisa Uili’s family mai Leone o se tasi nei o aiga sa matuai mafatia i lologa.

“E pei ona e silasila atu ua leaga uma le fa’atoaga ma le pa pua’a ona o lologa.

“O le mafuaaga lea o le talosaga atu i le ofisa o fa’alavelave tutupu faafuasei mo sina fesoasoani.”

O leiataualesa tunu mai Vaitele tai sa mafatia ona ua leaga le fale i a Gita.

O le fale o lenei aiga sa pau ai i luga le ulu ma ua le saogalemu.

E tusa ai ma le fa’atalanoaga a Fa’atuvale Leiataualesa Tunu, o lona tama sa faafesootaia le ofisa o faalavelave faafuasei mo se fesoasoani.

“Fa’afetai lava A.D.R.A. ma le Rotary club fa’apea le malo mo lenei fesoasoani.

“Fa’amanuia le Atua i tou galuega lelei.”

© Samoa Observer 2016

Developed by Samoa Observer in Apia