Faamuamua fanau aoga

Tusia Seia Soloi ,

104 Hits

Anitelea Simone, 36-tausaga le matua mai Tulaele.

Anitelea Simone, 36-tausaga le matua mai Tulaele. (Photo: Sei’a Soloi)

O naunautaiga lea o soo se matua, ia mananaio ia taunuu manuia le ola aoaoina o fanau mo lemlumanai.

E ui lava la I le tele o luitau o lo’o feagai ai nei e pei o le taugata o le soifuaga ae e le ‘alo ai lava le ata o le laau I le Tama ia Anitelea Simone, 36-tausaga le matua mai Tulaele.

O lana masani o le faatauina lea o kekepuaa aua se tupe maua mo ia mo lona lava aiga aemaise o lana fanau aoga.

O lo’o nonofo nei Anitelea ma lona aiga I Tulaele, ae o lo’o faasavali lana kekepuaa i nuu tuaoi e pei o Faleata ma Vaitele, au asana tupr maua mo le aiga I lea aso ma lea aso.

“A lelei a ua silia ma le selau pe lalo ifo foi o le selau tala le tupe maua, e faia i aso uma, sei vagana ai aso ua lagona le le atoatoa o le malosi, ia ua taatia foi mo s aso se tasi ona toe faaauau ai lea.

“E toaiva tagata o le aiga, ae o kekepuaa ia e sue ai lava tupe a a’u ma la’u fanau” o lana tala lea I le Fofoga o Samoa.

“O pili aoga, o mea fai I totonu o aiga pei o maliu ma saofai, ma mea fai I totonu o le nuu ma le ekalesia, lea o lo’o alu ai le tele o matou tupe.

O lo’o iaia le faatoaga ma ua faaaoga ai I meaai mo aso uma a le aiga ma ona mea e fai, e sefe mai ai tupe alu I meamata faatau mai I le maketi, ae o lo’o maua lava mea i fale ma laufanua o aiga taitasi

“Ua taugata le soifuaga pe a fua atu iai I le taimi nei, ua le toe taugofie mea uma, ae o lou galue malosi mo lou aiga, e pito taua.

O le mau a Anitelea o lo’o faatinoina lona tiute faataitai I totonu o le aiga, o ia o le ulu o le aiga-

“Ou te manao ia ola lelei la’u fanau I le lumanai ma ia maua ni galuega lelei I aso o i luma, aua nei pei o a’u ma la’u galuega o lo’o faia.

Talitonu Anitelea, tusa po o le a le taugata e faia lava, ona o le manaoga ia ola lelei le fanau i le lumanai.

O lana faamalosiau foi lea I nisi o maua I le faapalapala I le faamuamuaina o fanau aoga-“e taua fanau, ma ia faamuamua i latou ae aua o tatou manaoga faale-matua.

© Samoa Observer 2016

Developed by Samoa Observer in Apia