Una’ia o se Samoa maloloina

23 February 2016, 12:00AM

Fa’aliliu e Maiava

 

Ua i-a-fa’atasi nei le Tausala a le Atunu’u o le 2015-16, o Ariana Taufao ma le Fa’alapotopotoga o le Lakapi Liki a Samoa (NRL), e una’i la latou polokalame o le Soifua Manuia ma Maloloina Lelei.

O se vaega o le taumafaiga a le Lakapi Liki i Samoa nei, e aofia ai tulaga e pei o le Soifua Manuia ma Maloloina Lelei. O lo’o galulue fa’atasi i latou nei ma le Tausala Samoa, e fa’amalosia le mana’oga mo “faiga-fa’aPa’aga” aua le soifua manuia ma maloloina i totonu o le atunu’u.

O fuafuaga ma galuega o lenei vaiaso, o se vaega o galuega fa’agasolo i totonu o a’oga, e fa’alauteleina ai le malamalama o fanau-a’oga i le faia o fa’ai’uga faigofie ma malie e ala i le ‘auai i polokalame fa’atino ua saunia e le Lakapi Liki, a’o le taimi tonu fo’i lea e fa’aauau ai pea ona fa’amanatu ia latou le fa’amalosia fe’au ‘ese’ese tau-soifua maloloina lelei. 

O le fe’au ‘autu sa fa’amamafa e le Lakapi Liki - fa’atasi ma le fesoasoani a le Tausala o Ariana, e le gata e o-gatasi lelei ai ma polokalame fa’ata’oto a a’oga mo le Soifua Maloloina ma Ta’aloga, a’o se vaega fo’i ua fa’amamafaina ai le atina’e manuia o fuafuaga uma ua fa’ata’atitia, lea o lo’o fa’atupeina e le Matagaluega o le Va-i-fafo ma Fefa’ataua’iga a le Malo o Ausetalia. 

O lo’o fuafuaina nei polokalame uma e momoli ai Fe’au Tau Soifua Maloloina Lelei, lea o lo’o una’ia malosi fo’i e le Matagaluega o le Soifua Maloloina ma ana pa’aga, e pei o le Taumafa Lelei, Taumafa i Mea’ai Samoa ma le Fai o Filifiliga Lelei.

O le polokamala o le vaiaso nei, o lo’o una’ia ai fanau ina ia to’a’aga e fesilisili, ae tali atu iai le vaega lea i mea e talitonu e talafeagai mo le soifua maloloina lelei ae maise fo’i, ia malamalama ma iloa mea e lelei mo latou. Na fa’aalia e le Pule Sili o le Lakapi Liki, o Gabrielle Apelu: “E maofa lava i le malamalama ua iai nei fanau, ua iloa lelei tulaga mo’omia mo taumafa ae maise le to’a’aga e a’ai i mea’ai Samoa o maua i  o latou aiga.”

Na saunoa le Tausala a Samoa: “Fa’afetai tele atu Gabrielle ma le tou vaega a le NRL i Samoa nei, mo le vala’aulia o a’u ia ‘ou ‘auai i lenei fuafuaga lelei. O le tofa e fa’aaogaina ai taunu’uga fa’aleA’oa’oga e ala i le toe avatu o le fe’au i le atunu’u, ae maise o a tatou a’oga, o se tulaga fa’afiafia-loto ma ‘ou te ta’utino, ua matou maua nisi mea fou fa’atasi ma fanau-a’oga. O se fiafiaga tele lea ia te a’u nei.”

Na taua fo’i e Ariana, o le tasi lea o sao taua ma matafaioi a le Tausala Samoa, o se ‘auai e avea o se ‘ave-fua mo Samoa, ma o le tasi lea o vaega o lo’o naunau e lagolago ma fai iai sona sao.

Na saunoa le Tausala a Samoa: “Fa’afetai tele atu Gabrielle ma le tou vaega a le NRL i Samoa nei, mo le vala’aulia o a’u ia ‘ou ‘auai i lenei fuafuaga lelei. O le tofa e fa’aaogaina ai taunu’uga fa’aleA’oa’oga e ala i le toe avatu o le fe’au i le atunu’u, ae maise o a tatou a’oga, o se tulaga fa’afiafia-loto ma ‘ou te ta’utino, ua matou maua nisi mea fou fa’atasi ma fanau-a’oga. O se fiafiaga tele lea ia te a’u nei.”

Na taua fo’i e Ariana, o le tasi lea o sao taua ma matafaioi a le Tausala Samoa, o se ‘auai e avea o se ‘ave-fua mo Samoa, ma o le tasi lea o vaega o lo’o naunau e lagolago ma fai iai sona sao.

23 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>