O loo tatali le Faaiuga e uiga i le vaevaeina o Safata

229 Hits

UA LE MAUA SE TONU : Ua tuua e matai o Safata le Faamasinoga Sili i le Aso Lulu ina ua mae’a le fofogaina o le vaevaeina o le itumalo o Safata.

UA LE MAUA SE TONU : Ua tuua e matai o Safata le Faamasinoga Sili i le Aso Lulu ina ua mae’a le fofogaina o le vaevaeina o le itumalo o Safata.

Tusia - Pai Mulitalo Ale 

 

O le faaiuga a le faamasinoga e uiga i le poloaiga e faasa ai mo le vaevaega o tuaoi faale-aganuu mo le Itumalo o Safata, o le a tuuina mai a’o le’i o’o i le faaiuga o Mati.

O lenei tolopoina na soso’o ai ina ua mae’a le fofogaina i le Aso Lulu talu ai i totonu o le Faamasinoga Sili a Samoa-i luma o Lana Afioga, le Alii Faamasino o Lesatele Rapi Vaai. O le faagasologa o le iloiloga, na tuuese ai le itu tete’e lona lua o Masinalupe Tusipa Masinalupe, o le Resitala o le Faamasinoga o Fanua ma Suaga-e ala i se maliega e avea ai ma itu tete’e o lenei mataupu. E tusa ai ma le Alii Faamasino o Lesatele, o le matafaioi a le Resitala o le talia lea o talosaga mo faamaumauga, ae leai se pule o ia te ia e toe Iloilo ai se talosaga-talu ai- o le mataupu lena e saili e le faamasinoga le tonu.

 O le Loia o Maiava Visekota Peteru, o loo tulai e fai ma sui le itu tete’e lona tolu, o Tuia Paepae, Anapu Aialiii, Afemata Apelu Aiavao lea na talosagaina le tuueseina o le itu tete’e lona tolu.. O le itu tete’e lona tolu sa finau atu e faapea o le Tulafono na pasia e le Palemene ia Mati 2015 ua vaevaeina ai le itumalo o Safata ia Safata Sasa’e ma Safata Sisifo-ma ua le talafeagai ona o lea vaevaega sa le faavaeina i luga o tuaoi masani poo tuao faale-aganuu o Safata.

O lenei vaevaega mulimuli ane ai ua afaina aga-i-fanua a le itumalo o Safata. 

Na faalava le Alii Faamasino o Lesatele a’o saunoa Ms. Maiava ma fesiligia le tamaitai pe o le finagalo o le itumalo o Safata o loo i totonu o le tulafono pe ua vaevaeina e le tulafono.

Fai mai a ia e pau lava le mea o loo fai mai ai le tulafono-e tasi le Sui Usufono o le Palemene o le a filifilia mai nuu o Vaie’e e tau i Sa’anapu ma le isi Sui Usufono e tasi o le Palemene o le a filifilia mai nuu o Fusi e tau i Mulivai.. E le o vaevaeina e le tulafono tuaoi mavae faale-aganuu o le Itumalo o Safata. But, the applicant did not agree with that argument. Ae ui o lea-sa faailoa atu e Maiava i le faamasinoga e faapea o tuaoi tau faiga-palota ua fuafuaina e le tulafono fou toe teuteina o faiga-palota ua aafia ai aganuu a le itumalo o Safata. 

O le Loia, o Taule’ale’ausumai Tiotio sa fai ma sui o le itu talosaga o Leota Su’atele Manusegi ma isi o Safata Sasa’e-ia latou mau na tuuina atu i le faamasinoga e faapea o le vaevaeina o Safata Sasa’e  e mautinoa lava e faapito mo faamoemoega tau le faiga-palota.O lea vaevaega e le o faavaeina i luga o eleele faale-aganuu- o le mea lea- e le o afaina ai agaifanua a Safata. 

Ua na o se vaevaega lava faigofie ina ia iloa tino ai pe o fea nuu o i luga o itumalo fou tau faiga-palota a Safata i Sasa’e ma Safata i Sisifo e aunoa ma ni tuaoi mavae o Safata. O le fofogaina o le talosaga  na faaulu e le itu tete’e tolu i le Faamasnoga o Fanua ma Suafa na toe faataatia ese ma o loo talitali pea le taunuuga o lenei mataupu o loo i luma o le Faamasinoga Sili. 

Fai mai Lana Afioga , Lesatele o le a tuuina mai lana faaiuga a’o lei uma Mati.

© Samoa Observer 2016

Developed by Samoa Observer in Apia