Taumafai aiga

Tusia Ilia L. Likou ,

42 Hits

Setefano Sosopo o Faleula.

Setefano Sosopo o Faleula.

O le maua ai o le fa’atalatalanoaga ma le Fofoga o  Samoa ma Setefano Sosopo o Faleula na ia ta’ua ai o lo’o sologa lelei mea uma i totonu o le aiga.

Na maua le avanoa ma le tamā o lo’o ua aga’i i lona aiga ma le uilipaelo fafie.

E to’afa ona alo ma le tinā o le aiga ma o lo’o ua faigaluega uma i le taimi lenei.

“Ia e to’alua o lo’o ua faigaluega i le taimi lenei ma nisi o lo’o i le aoga.

“E mo le silafia ai o se tulaga lelei tele lea i le aga’i atu ai le lumanai aemaise o le taumafai pea o aiga aua le sologa lelei o vaega uma.

 Na ia ta’ua o lo’o sologa lelei mea uma i totonu o le aiga.

“E pei o lea lava le tulaga o lo’o ua i ai nei, o le tele o vaega ia o lo’o i ai lava nai mea to  to o lo’o ua fa’alagolago ai le taimi lenei.

“O lea lava foi le soifuaga o lo’o i ai le taimi lenei aemaise ai le alo atu i le tele o vaega ma mea uma o le soifuaga nei.

“O le galulue lava aua fanau.

E ui e le’o faigaluega ae na ia fa’ailoa o lo’o ua tele lava le fesoasoani i nisi o aiga mai atunu’u mamao.

‘Ia e pei o lea lava le soifuaga o lo’o ua i ai le taimi lenei, ma o se itu sili lea ona taua mo a’u lava ia.

“O le taumafai lava o aiga aua e le maua ma se filemu ni fa’amanuiaga.

“O le uiga o la’u tala e ao lava ona o tatou galulue, o le a lava le mea e o’o ai le malosi ia o lena lava.

“O se tulaga lelei tele lea mo le aga’i atu ai le lumanai.

© Samoa Observer 2016

Developed by Samoa Observer in Apia