Ua una’ia le Malo ina ia faaaoga le $14 miliona e feaoasoani atu ai

193 Hits

Tusia - Lanuola Tusani Tupufia 

Faaliliu e Seagaitumua Tupuola

 

Ua una’ia e le Taitai o le Tautua Samoa Party, Palusalue Faapo II le malo ina ia faaaoga se aofaiga o tupe o loo i le tala o le tupe e uiga o “tupe alu e le’i faatatauina” e fesoasoani ai i pisinisi ia na afaina i le afi. O le aofa’i o lea tupe e $14 miliona lea o loo i totonu o le Tala o le Tupe 2015/2016, e tusa ai ma Palusalue. 

I sana saunoaga i le faagasologa o le latou fono faa-vaiaso na nusipepa, fai mai Palusalue e tatau ona aloa’ia e le Malo le sao o nei tagata fai-pisinisi laiti i le atiina a’e o Samoa ma na una’ia ai le malo ina ia fai nei loa lava se fuafuaga. 

 “ E faanoanoa pe a vaai atu i le galuega faigata a le toatele o aiga ma latou pisinisi ua matua faaumatia i le afi,” o le faaaliga lea a Palusalue. O lana finauga e faapea o tupe alu e le’i faatatauina o i totonu o le tala o le tupe o tupe ia e tatau ona tuuina atu mo taimi faapenei.

“Matou te una’ia le malo ma le Kapeneta ina ia faaavanoa ati lenei faaputuga-tupe e fesosoani ai i pisinisi matitiva ia ua maumau a latou mea uma na fausia i le tele o tausaga.”

I lona toe ta’ua o asu ua alu, fai mai Palusalue i le 2009, o ia tupe sa fesosoani atu ai i tagata na aafia i le tsunami. Na ia fautuaina e faapea masalo e mafai ona faaune atu i pisinisi i se fua faatatau o se tului maulalo lava.

“E mana’omia e pisinisi lea tupe e toe fai ai a latou pisinisi, e faatau ai oloa fou ma toe fau ai a latou mea ua faamaumauina,” o le faaaliga lea a Palusalue.   “Matou te faala’ei’au atu i pisinisi ina ia loto tetele ma onosa’i talu ai ua uma ona folafola mai e le malo o le a sailia se avanoa mo i latou e faatau atu ai a latou oloa ma toe faatula’i i latou i luga.

© Samoa Observer 2016

Developed by Samoa Observer in Apia