Manatu o le Fa’atonu - Faamanatuina o le mea sili e uiga i Taaloga

188 Hits

Tusia - Mataafa Keni Lesa

Faaliliu e Seagaitumua Tupuola 


A’o le’i taitai ona togi atu se tu’i e tasi mo le Rumble in Paradise, o lea sauniga ua leva ona avea ma tagata manumalo. Ona pau lava le mea o loo tatou mana’omia i le taimi nei o le tuuina atu lea e Lupesoliai Joseph Parker o se tasi o mea faapitoa a Parker e avea ma teuteu manaia i luga o le keke nanei ona faamauina lea o lenei vaiaso i totonu o le tala faasolopito e avea ma se tasi o vaiaso e sili ona lelei tau taaloga i totonu o Samoa.

O le a faatulaga ai pea i luga e filo i nisi o vaaiga uiga ese  o vaiaso e pei o le Olopeleki i le tausaga talu ai-e ui lava ina o loo i luga o se fua maulalo.  A tatou mafaufau i ai, o se itu e faanoanoa ai ona o le paga faapitoa o le po nanei o se tasi lea o fusuaga o loo faamoemoe o le a taufai ai sasa ai e le tasi le isi. Ua matou fai atu faapena ona e oo lava i o tatou tagata ua o mai lava e fusi mau le paga a Parker o Jason Bergman-e peiseai o se tasi o i latou.

Sa tausi e lenei atunuu o ia talu ona taunuu mai, ua amata ona tatou alolofa ia te ia ma lona lo malū ma ana amio ua avea ai o ia ma tagata moni e fiafia i ai tagata o lenei atunuu. O se alii lelei tele. O loo i ai lava se lagona faapitoa e uiga i lenei fusuaga.

E le o sau fusuaga masani lea o le paga mamafa lea e o mai ai tama fusu ma ituaiga eseese ma faatamatala uiga ese e faatau atu ai le fusuaga. O se fusuaga lea o loo tupu mo mafuaga tatau uma lava.

O lea ua ia i tatou se tasi e pei o Parker lea e moni lona mana’o ina ia toe tuu atu se mea i ona tagata e ala i lona aumai  o se fusuaga i Samoa. Faatasi ai ma le lagolago a le Duco Events ma tagata uma e lagolagoina e aofia ai le S.I.F.A. ua latou faia se ‘ea uiga ese ma le lelei lea ua amata ona fiafia i ai tagata o Samoa.

O le tulaga tonu lava lenei e faasino i ai taaloga. O le tulaga foi lea e tatau ona i ai fusuaga. O se mea e uiga i le aumai o le itu lelei o i totonu o tagata, faamanatu le taleni uiga ese ma le aumai faatasi o tagata. O le fuaina o pauna ananafi o le mea moni e matua ese lava e tusa ai ma le faauigaina o le upu.

E na o Samoa lava e faitau afe ma afe na lolofi ane i luga o ala tetele e matamata i ni sauniga amata e le taua o se fufusaga e tusa ai ma le vaai a fusuaga a le lalolagi. Ma o le toesea o upu ma tala e leai se aoga ua tatou masani ai e fai i nei sauniga-o se malologa lea ua sili ona talafeagai. Ae peitai-o Samoa lenei.

Tatou te faia mea e tusa ai ma tatou faiga ma e na o le tatou faiga lava. O le pogai lea e ui lava ina e le’i amataina lea paga, ae ua leva ona tatou faaigoaina Parker o le siamupini. O le mea moni- e tusa ai ma le vaai a le faitau afe ma afe o tamaiti laiti sa i lea nofoaga-aemaise ai lava tamaiti ia na faamanuiaina ina ua feiloa’i ma ia i lenei vaiaso-ua leva ona avea o ia ma siamupini o le lalolagi.

Matou te talitonu foi i lena. Mai le mea na matou vaaia i totonu o Samoa i lenei vaiaso, e i ai le mafuaga moni e talitonu ai ma mautinoa le avanoa o lenei alii e alu atu ai i le ala atoa. Ia manatua foi, e ono mafai ona avea ma fusuaga ua laki ai Samoa mo le taimi lona tolu e tusa ai ma fusuaga a siamupini o le lalolagi. O le taimi muamua o David Tua, ona soso’o ai lea ma Alex Leapai ma o le taimi nei-o lea ua i totonu Parker ma le avanoa moni mo se fusuaga tele.   

Faamata na te gafatia? O le mea moni-ioe –na te mafaia. O se alii agamalu, lotomau ma a o’o i le taimi e manaomia ai lona faia o lea tulaga, na te aumai i fafo lea ta’ifau uiga ese o paga mamafa iloga –ia na te faaalia i lea taimi ma lea taimi. 

O le mea e ese ai Parker mai isi o lona soifua mai. Ua matua maua’a lelei o ia, e matua faaloalo ma i le avea ma tagata Samoa, o le itu lena tatou te mitamita ai. 

O la tatou Parker e le o se ituaiga o tagata faavasivasi e malosi le talanoa i mea e leai se aoga. E le mitamita vale ma e leai ni ona uiga faafiufiu e pei o le toatele o tama taalo tulaga maualuga.  

O fea lava le nofoaga na alu i ai i lenei vaiaso, sa faalaolao lava lona taimi e talanoa ai i tagata, saini a latou pepa, pu’e o latou ata ma i latou ma faamasani ia i latou. O uiga nei e faigata ona maua i tagata taalo faa-polofesa o aso nei ia e faafoe e pei ona masini.

Mo i tatou, o faailoga lelei ia. Ma o le mea moni e faapea ua tonu ia te ia e aumai lenei fusuaga i Samoa- lea e leai se tupe itiiti e maua ai-o le faailoga lea o se tasi ua faatulaga lelei ana faamuamua. 

E leai ma se masalo  e faapea a’o faagasolo i luma i le isi laasaga le olaga taalo o Parker, o le vaiaso lenei o le a le galo ia te ia ma lona faia’oga o Kevin Barry. Ma o le mea moni-o le a le galo foi ia i matou..

Matou te momoli atu i tama fusu uma  nanei o matou moomooga lelei. 

Ia faamanuia atu le Atua ma ia outou maua Samoa se faaiuga saogalemu o le vaiaso!

© Samoa Observer 2016

Developed by Samoa Observer in Apia