Faamuamua le manuia o Faia’oga

188 Hits

Tevaga Viliamu Eletise, Ana Maiava and Faausu Faausu.

Tevaga Viliamu Eletise, Ana Maiava and Faausu Faausu.

Tusia - Deidre Fanene

Faaliliu e Seagaitumua Tupuola

 

E mana’omia e Faia’oga ona faa-paleni le mamafa o a latou galueg ma le taim mo le aiga ma fuafua lelei pe o le a le mea e sili ona taua. 

O lona uiga, afai e le o lelei le latou faalogo, e tatau ona latou maua le faamaoni e tuua ai le potu a’oga ma faaalu sina taimi e toe saili ai le malosi. O le itu lea na faaalia e le Faatonu o A’oga a le Ekalesia Katoliko o A’e’au Chris Hazelman, i le faagasologa o le Fono a le Matagaluega o A’oga, Taaloga ma Aganuu, na usuina i le amataga o le vaiaso. 

Sa filo o ia i le toatele  o e e saunoa i le faagasologa o le fono e lua aso, lea sa auai Pule o Aoga, faia’og ma e pulea mai Upolu, Savaii, Manono ma Apolima. E tusa ai ma A’e’au, e tatau i faia’oga ona faamuamua le vaai lelei o i latou ma ia faasili lena tulaga talu ai-e le mafai ona faapea e mafai ona latou aoaoina ni tamaitai a’oga atamamai pe afai e le o atoatoa lo latou malosi. “Mo faia’oga lava ia –e mamafa-tu le galuega mo i latou,” o le faaaliga lea a A’e’au.  “E tele le taimi latou te faaaluina i totonu o a’oga, tapena galuega mo le a’oga ma mea fai a le a’oga e o’o lava i le aoaoina o se ‘au-lakapi ma e uma ane ua itiiti lo latou taimi mo le aiga. 

“ I le tele o taimi –e tele a latou faafitauli i totonu o le galuega ona tuua’ia ai lea o i latou talu ai mea e tutupu mai. A latou taliu atu i aiga, e o ma ave lea uta ma latou.” A tula’i mai ni o latou faafitauli tau le aiga, ona toe faaopoopo atu foi o lenei tulaga i luga o a latou ipu ma ua atili ai ona leaga.” O A’e’au, o ia lea o le Sui Pule o le Iunivesite Aoao o Samoa, fai mai –o se tulaga uiega ese pe a mafai ona maua pe to’afia lava ni faia’oga ua ‘ausia le 70 tausaga o latou soifua. 

Fai mai a ia o su’esu’ega e fai i isi atunuu ua faaalia ai e faapea o le toatele lava o faia’oga e maliliu ona o le faatiga. E toaitiiti lava i latou e ‘ausia le 70 tausaga.  “O nisi e tua i taumafa, o nisi ua tua i le ‘ava malosi e taumafai ai ona aveese le faatiga ma o le mataupu autu lena,” o lana faaaliga lea. Ona o a tatou faia’oga ua latou silafia le mea e sili ona taua, o le a lau faamuamua.” E ui lava ina o le aoao atu o lana mea fiafia lea, ae fai mai A’e’au-e le o le mea lena e mafai ona faamatalaina ai o ia.

 “Ou te fiafia i la’u galuega-ae le o lo’u ola lea talu ai-a tupu se mea ia te a’u, e leai se tasi o i totonu o le Matagaluega poo le ekalesia poo nei faia’oga uma-na te tausia a’u. “O le a tumau pea ona i ai le galuega-ae o le sootaga ma tagata  lea e tatau ona faatauaina e i tatou –e le o toe i ai.”

 “O le pogai lenei e taua ai ona faa-palenei  lau galuega tau le poto faapitoa ma lou lava soifua. “O la’u mataupu autu i faia’oga e faapenei: e sili atu ‘ea ona taua lou lava soifua poo la tatou galuega?  O le a’oa’o atu o le pogai lea na faia ai i tatou ae o tatou matua, a tatou paaga ma tatou fanau o tagata ia e aupito i sili ona taua i o tatou soifuaga,” o lana faaaliga lea.”Ua loa ona tatou faataua tamaiti, taunuuga ma le iloa faitau tusi ae tatou te lei tilotilo moni i le soifua maloloina o tatou faia’oga, le faatiga tatou te maua ma o le pogai lena na ‘ou faailoa atu ai se matauu i le amataga o la’u tautalaga. “

 “Fai mai tagata o le “aoao atu o se tasi lea o galuega e sili aloa’ia ma o lea lava e fai tatou e pei o ni tagata faigaluega tulaga maulalo.” 

Na una’ia e A’e’au faia’oga ina ia saili le paleni ina ia mafai ai ona latou aoaoina tamaitai a’oga i se faiga e sili atu. Na ia faamanatu atu e faapea o faia’og soifua maloloina e maua mai ai tamaiti a’oga atamamai ma e matua tele se mana’o mo faia’oga ina ia vaai lelei i latou.

© Samoa Observer 2016

Developed by Samoa Observer in Apia