Feiloa’i i fanau o le meaalofa sili lea – Fa’atuai

Tusia Vatapuia Maiava ma Ilia L Likou ,

103 Hits

Fa’atuai Fa’amoeolo, 71 le matua o le soifua o Fagamalo i Savai’i.

Fa’atuai Fa’amoeolo, 71 le matua o le soifua o Fagamalo i Savai’i.

“O le maua o le avanoa ou te feiloa’i ai  i si a’u fanau uma, o le itu pito sili lea ona ou fiafia ai pe a o’o mai le Kirisimasi.” Fa’atuai Fa’amoeolo, 71 le matua o le soifua o Fagamalo i Savai’i.

Na ia fa’ailoa o lenei vaitau e leai lava se isi itu o silasila i ai nai lo lona fia feiloa’i i lana fanau.

“Ia o a’u o le tinā ma ua fai fanau o a’u fanau, ma o a’u e o’o loa i aso nei o le Kirisimasi ma le Tausaga Fou oka so’u ia fiafia.

“Ia o la’u ia tala i si a’u fanau, ou te le mana’o ni meaalofa ae ia outou fa’asino o outou fanau i le ala e tatau ai a’o laiti.

“Ia outou ave a outou fanua i le aoga, lotu, aoga aso sa, ma fa’atonu lelei – o la outou meaalofa lena mo a’u.

“E leai se fiafiaga sili atu nai lo latou fa’atonu o a latou fanau i ala lelei e pei ona ou fa’atinoina i a te’i latou a’o o latou laiti.

O a ni itu iloga ai aso fiafia i totonu o lou aiga?

“E pei e iloga aso nei i totonu o si o matou aiga aua fo’i e omai uma ai lava si a’u fanau, ma o fanau a si a’u fanau e ta te fia mana’o ai lava pe muamua ona ou fia va’ai i ai.

“Ia e pei lava ona outou tau mai i lenei taeao e pei o le agaga fiafia lea ma le fa’afetai i a te a’u o le taumafai ai lea ina ia o’o mai le Kirisimasi ia ua tapena uma vaega nei epei o le tapeina o fafo ma totonu.

Na ia fa’ailoa i le Fofoga o Samoa o le uiga tonu lava nei o aso fiafia o le fa’atasia o aiga.

“Ia o a’u ou te malaga mai Savai’i na ou sau le fa’aipoipoga a se tasi o le fanau ia lea la ou te evaeva ai lava i Si’usega nei.

“Ou te masalo o taeao o’u alu ia ma fa’atali mai le o atu o le fanau e asi ma va’ai a’u ma le aiga.

“O se agaga fa’afetai lava ia i a te a’u o le taumafai ai lea ina ia maua pea le fiafia i aso uma aemaise le mafutaga lelei ma fanau.

“O lo’u ia lea tinā ma o lo’u iloa i ai, ia e leai lava se tinā e le o’o lona finagalo i lea tulaga i le fia feiloa’i i fanau.

© Samoa Observer 2016

Developed by Samoa Observer in Apia