Toe foafoa le Fa’alapotopotoga mo le AIDS i Samoa

22 December 2015, 12:00AM

Fa’aliliu e Maiava

 Ua amata toe foafoa le fa’alapotopotoga mo le fa’ama’i-oti ua fa’aigoaina, o le Samoa Aids Foundations.

O le Aso Gafua talu ai na toe fa’amauina ai i tala-fa’asolopito o le fa’alapotopotoga o le Samoa Aids Foundation, o se aso e toe fafagu ai lea vaega taua ma ana fuafuaga, talu mai le 2011.

E silia I le 40 sui fou ua resitalaina, I le Fono Tele Fa’aleTausaga na usuia I le fale’aiga o le Rendevouz Restaurant.  

I lea fonotaga, na fa’ata’atia aloa’ia ai le Fuafuaga fou mo Galuega Fa’atino a le Fa’alapotopotoga, mo le Tausaga 2016 – 2020, lea na ta’ua e le Peresetene fou ua filifilia, o Namulau’ulu Dr. M. Nu’ualofa Tu’u’au-Potoi, e manatua ai pea ma le agaga fa’afetai le sao taua o fa’alapotopotoga ma sui sa latou fa’avaeina lenei fa’amoemoe. 

I latou e aofia ai le Matagaluega o le Soifua Maloloina mo le lagalago i tomai ma tulaga tau-seleni ma le to’atele o tamali’I ma failauga sa galulue le-fa’alogologo-tiga ina ia mautinoa le sologa lelei pea o le Fa’alapotopotoga. 

“Matou te manatua fa’apitoa le sao-taua o Peati Iupeli, sa iloga lona finau ma lenei gasegase ae na i’u lona soifua ia Me I le tausaga nei,”o lana saunoaga lea. 

“Ua matou tu’u-fa’atasia lenei Fuafuaga o Galuega ma le toe lalagaina o le Fa’alapotopotoga, e aualofa ai ma manatua pea Peati fa’apea le to’atele o latou sa fesoasoani malosi mo le fa’alauiloaina o lenei fa’ama’i.” 

O lo’o tatala pea le avanoa mo sui fou e fia ‘auai I le taimi nei ma o lo’o fuafua e le Komiti Fa’atonu, o le masina o Fepuari 2016, o le a fa’atino ai feutaga’I ma isi Fa’alapotopotoga Tuma’oti, o Matagaluega a le Malo, o pa’aga atina’e ae maise le mamalu lautele o le atunu’u e uiga I fuafuaga ua faia nei fa’apea le fa’alauiloa aloa’ia ai ia Iuni I le tausaga fou. 

O Sui o le Komiti-Fa’atonu ua iai nei, e aofia ai: : Olivetti Tua-Bentin (Teutupe); Fonoti Edwina Nee Nee (Sui Peresetene); Namulau’ulu Dr M.Nu’ualofa Tu’uau-Potoi (Peresetene); Satui Bentin (Failautusi). Tua: Sui o le Komiti-Fa’afoe - o Simoa Vitale, Darryl  Anesi, Fiu Kurene Endermann ma Lia’i Iosefa.

22 December 2015, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>