Ia manuia fanau

Tusia Ilia L Likou ,

61 Hits

Sani Howard.

Sani Howard.

O le fa’anaunautaiga o le tamā i a Sani Howard o le taumafai lava lea ina ia atia’e lona aiga.

Na maua le fa’atalatalanoaga ma le Fofoga o Samoa ma ia fa’ailoa ai le taugata o le soifuaga.

“Ia e pei o lea lava le mafua’aga o lo’o ua taumafai ai le taimi lenei ina ia fa’atau atu vaega nei, e ui lava ina tigaina ae o vaega nei o lo’o fesoasoani tele mo le soifuaga o lo’o ua i ai nei.

“O le itu moni lava e le tatau lava ona nofoa’i ua matua’i  faigata lava nei aso i le soifuaga, ma e tatau lava ona o tatou sauna uma i ai.

Na ia ta’ua o le taimi lenei o lo’o ua ave lana fa’amuamua i le tausiga o le aiga.

“Ia o hot dogs nei e fa’asavali mai lava i le Aso Gafua aga’i le Aso To’ona’i ma e tele lava se tulaga e ao ona silasila i ai.

“O se itu lelei tele lea i lo’u ia iloa i ai, aemaise o le taumafai ai lava lea ina ia saunia o so’o se vaega aua lava le fanau i le aoga.

“O i latou nei o lumana’i o aiga, a lelei lava ona fa’afailele ia o le lelei fo’i lea i le aga’i ai luma o le soifuaga.

“Ae o lo’o ua taumafai pea i le mafai, o a fo’i lava taleni ma agava’a ua i ai, ia o lea lava le tulaga e fa’atinoina ai o so’o se vaega.

“O se itu faigata tele lea i lo’u iloa i ai, aemaise o le aga’i atu ai le lumana’i o aiga aemaise ai lava o le taumafai lava lea ia tausia aiga.

“E pei ona fa’ailoa muamua atu, ia e nofonofo loa leiloa loa po o le a le mea o le a fai, ae le gata i lea o le tausia ai o le aiga.

“E pei o le ala lava lea e taumafai e sue ai tupe, ia mo aiga aemaise o le va’ai mamao mo se manuia o fanau.

© Samoa Observer 2016

Developed by Samoa Observer in Apia