Taugata le soifuaga

Tusia Ilia L Likou ,

43 Hits

Iosefa Iuni, 33 tausaga mai le afioaga o Nu'u Fou.

Iosefa Iuni, 33 tausaga mai le afioaga o Nu'u Fou.

O le maualuga ai pea o le tau o le soifuaga o se itu ua avea ma fa’afitauli i le to’atele o tagata ua i ai nei i Samoa.

O lea le itu mautinoa na fa’aalia e Iosefa Iuni, 33 le matua o le soifua o Nu’u Fou.

I lea fa’atalatalanoaga na ia fa’ailoa ai le tele o vaega ua fa’apea ona faigata ai nei le soifuaga.

“Ia e le tau fa’ailoa lea tulaga aua ua o tatou iloa uma lava le faigata o le soifuaga ua i ai nei Samoa, o tau o oloa, ia ua matua’i leai lava se fiapoto o mafai ona toe fai i ai le taimi lenei."

O Iuni e to’atasi lo alo ma le tinā o le aiga.

"I lo’u iloa i ai, ia o lea lava, e masalo e pei ona fa’ailoa muamua atu, ua matua’i faigata lava nei aso."

“O vaega uma e o’o lava i nai oloa laiti na taugofie i la aso ua matua’i leai lava se fuafuaina o latou tau i lenei vaitaimi."

“Ia e leai lava so tatou alofaga i lenei taimi, e pau lava le tulaga o le to’a’aga e e faigaluega, o a lava fo’i taleni ma agava’a ua i ai lenei taimi."

“O le fa’amalosi lava e manuia ai o vaega uma olo’o o tatou taumafai i ai."

O lona finagalo a lava mea e mafai ona fa’atinoina ia e le mafai pe a le tu’u i ai le mafaufau.

"E pei o lea lava le tulaga o lo’o va’ava’ai atu ai, o se itu faigata tele i le tele o nai o tatou tagata le taumafai pea ina ia fesoasoani i le tele o le mau fa’afitauli ua i ai nei."

“Ou te iloa lava e a’u ia o le a le galuega ua mafai ona o tatou faia ia o le tu’u lava i ai o le loto."

“O le mea fo’i lea ua i ai a tele le va’ava’ai atu i fa’afitauli ia o le tele fo’i lea o lo tatou popole, ia ae taumafai pea e galulue, ma to’a’aga e tatalo e fesoasoani mai le Atua i o tatou mafatiaga uma."

© Samoa Observer 2016

Developed by Samoa Observer in Apia