Fa’alagolago i le vaitafe mo le suāvai maua

Tusia Vatapuia Maiava ma Ilia L Likou ,

134 Hits

Epi Matagi o Mafafa.

Epi Matagi o Mafafa.

Na fa’ailoa e le tinā i a Epi Matagi i le fa’atalatalano’aga ma le Fofoga o Samoa i le aso ananafi o le taimi lenei  o lo’o fa’aaogaina e  ia ma le fanau le vaitafe mo le tele o vaega mo’omia o le aiga i aso uma.

O se tasi lenei o tulaga faigata ma fa’afitauli o lo’o feagai ma le aiga, aemaise ai o lo’o i ai ma le fanau iti o lo’o nonofo i uta i Mafafa, Falelatai.

Na ia fa’ailoa i le Fofoga o Samoa e le’o se tulaga faigofie o lo’o feagai ma le aiga i aso uma ona o le suavai, ma o le tele lava o taimi e palapalā le suāvai e maua mai.

E le’i leva ona nofoia e le tinā ma nisi o le aiga uta i le nofoaga na afea e le Fofoga o Samoa, ma o se tasi lenei o fa’afitauli tele o lo’o feagai nei i aso uma o le suavai.

“O i matou e mana’omia le fesoasoani pe afai e moni ma le fa’amaoni.

O le isi itu o lo’o ia silasila i ai o se itu tau femalagaiga mo lea vaega o le atunu’u ona ua amata ona si’itia i latou e nofoia le vaega lea.

Le vaitafe o lo’o ola ai le aiga i aso uma.
Le vaitafe o lo’o ola ai le aiga i aso uma.

 “Ia o lena , e mana’omia lava mo le aiga ma tamaiti aemaise ai fo’i le lotu.

“Ia o le fale lenei...ia o lo’o tau atia’e lava le aiga nei, ae pei o mea nei , o se auala mo uta nei e aoga mo aoga a le fanau.

Na ia ta’ua o le isi vaega lelei tele pe afai ae fa’ataunu’u lea manaoga, e aoga mo i latou i le taimi o le lotu aemaise nisi o sauniga o lo’o tausavali ai i tai i le a’a’i i Falevai.

“Pe  na’o se taeao ma le afiafi (e mana’omia ai)  le taimi lea e piki ai fanau i le aoga, aua e pei o fanau e omai lava fa’atu le ta’avale ma lifi mai ai i uta nei.

“ Ia fa’afetai fo’i i a’i latou o lo’o agalelei ma aumaia le fanau i uta nei…ua matutua uma la’u fanau ae o fanau a la’u fanau (o lo’o tausiaina).

“Ia e to’alua la’u fanau o lo’o a’o’oga, e pei na o le to’aono lava i matou o lo’o nonofo i uta nei, e mo le silafia e pei ua mafua ona o matou omai i uta nei , o le puipuiga lava lea i mala fa’alenatura e pei ona ‘a’afia ai lo tatou atunu’u.

© Samoa Observer 2016

Developed by Samoa Observer in Apia