Suiga o le olaga ina ua fai le fanau

Tusia Aruna Lolani ,

126 Hits

Saega Samuelu mai Faleasiu ma Tuanai.

Saega Samuelu mai Faleasiu ma Tuanai.

E leai ma sesi e malamalama ile olaga e faiaiga ma le tausiga o fanau vagana ua avea lava oe ma se matua.

O le faatalatalanoaga a Saega Samuelu of Faleasiu and Tuanai ma le Fofoga o Samoa, sa ia taua ai o ia ua avea ma se tama i le la alo muamua faatoa fanau ile Aso Sa.

Ua lagona lava lona fiafia ma ua tele foi suiga i lona olaga ina ua fai se laua pepe ma lona toalua.

Sa maua atu o ia ina ua faatoa foi atu ma lana faatau mo lona aiga ile aso ananafi. 

“O lou toalua e le faigaluega aua o ia lea ua feagai ma le vaaiga o le pepe aua e fai loa se tamaitiiti i totonu o le aiga, e tele mea e tatau ona sui. 

“O se taimi foi lea ua ou iloa ai foi le mea e tatau ona fai ma ua iloa lelei poo ai lea ua ave ai le faamuamua.”

Sa taua e Saega o ia e faigaluega ile S.M.I. Hardware i Fugalei ma o lea ua amata ona fai ona aso livi aua se taimi e faaavanoa mo le tina ole aiga ma le laua tama fou. 

Sa faapea mai o ia e taua lava le iai o se galuega aua le tausiga o le fanau ma o le olaga foi nei, e leai se mea e faafaigata ai pea e toaga e te galue malosi.

“E moi a na fai lou toalua ae o au a ia ile na taimi sa ou ola foi lele, ta te le mafaufauina le lumanai.

“Lea la ua suia atoa nei mea uma aua  o lea ua fai se tamaitiiti, ia tele foi mea e le tatau ona ou toe faia aua ua uma foi na taimi.”

O le tele lava na o tagata ae lei avea o latou ma matua.

“O le taimi la nei, o le a ave le faamuamua ile aiga aua o lou tiute ma lou tofi lea.

“E tatau ona galue malosi le taimi nei ina ia faamama avega ai foi ile lumanai mo nai fanau.

“O le olaga nei e faatatau a i le tagata ma lana ia galue.”

© Samoa Observer 2016

Developed by Samoa Observer in Apia