manatu o le Fa’atonu - O Angie Jackson ma tama’ita’i faapelepele o Samoa

Tusia Mata'afa Keni Lesa ma Faaliliu e Seagaitumua Tupuola ,

103 Hits

O se tasi o vaega e sili ona una’ia ai le soifuaga i aso nei i totonu o Samoa e faapea o tagata uma lava e foliga mai ua latou silafia a latou aia tatau.

A fua i le tulaga e pulega ia i latou-e tusa ai ma le mea latou te mafaia ma le mea latou te le mafaia e tusa ai ma le tulafono ma le tausiga o le filemu, i le salafa o le laupapa, e aliali mai o le vaega toatele o tagata ua ia i latou se tulaga lelei o ia tulaga aloa’ia e maua ai aia tatau. 

O se tulaga uiga ese lea tau le atiina a’e e tatau ia i tatou uma ona faafetaia. Ua te’a aso sa toatele ai tatou e itiiti lo tatou iloa o ia mea ma sa faapea ai ona afaina i le matua soli pala o le tele o a tatou aia tatau. 

Ia ‘aua ne’i outou ave –seseina a’u; ou te le o fai atu o loo lelei mea uma pe a pa’ia le faaaloalo e tusa ai ma tatou aia tatau. E matua leai lava. O loo tumau pea ona ia i tatou ni avanoa o loo matua soli pala ai e tusa ai ma le tatou vaai.

Ae faalagolago lava poo a aia tatau ma poo fea o i ai, o le soliga la o nei aia tatau- o se faamanatu lea e faapea o loo tatou soifua i totonu o se lalolagi e le o lelei atoatoa. I le taimi nei la ma le faagasologa o nai aso ua mavae atu, sa matauina e lenei tusitusiga le talanoaga e uiga i se polokalame o le 60 Minute a se ulugalii mai Ausetalia-ia na osofa’ia e le pagota na solo ese ma le falepuipui, o Lauititi Tualima, i le faagasologa o le la malologa i Samoa nei i le tausaga talu ai.

O le tulaga le manuia  o lea polokalame e uiga ia Samoa ua matua manino mai ai le to’atama’i o nisi o tatou tagata ia sa le pine ona latou fetu’u le uiga faa-foliga o le matagofie o lo tatou atunuu. O lea sa faaauau ai ona latou faitioina le soli o le aia tatau a Samoa e matua faailoa atu ai i se tulaga lelei ma le talafegai ma ua faapea ai ona teena i latou sa faitioina le Palemia i le faagasologa o le talanoaga lea ua avea i le taimi nei- ma talanoaga e uiga ese le le manuia. 

Ua sa’o ma tonu lea. O se lalolagi sa’oloto. Ae afai e ta’utino le solo a le tamaloa, o se tulaga uiga ese le faalogologo i ai ma ua matou matua mautinoa-tatou te le’i falogoina se upu mulimuli e uiga i lenei tulaga faaletonu.  O le tulaga uiga ese, e tasi pe lava le mataupu sa faigata ona lagā, ma o le pogai lea ua ‘ou mana’o ai e faailoa atu lenei mataupu i le asŏ- i totonu o lenei tusitusiga.

Ou te fia talanoa e uiga i le aia tatau a le tamaitai Ausetalia, o Angie Jackson, ina ia puipuia. Sa ia te ia le aia tatau e le tatau ai ona osofa’ia, sauaina tau feusua’iga ma toso faamalosi. Sa ia te ia aia tatau uma e sau ai i Samoa, ma fiafia i lenei atunuu e aunoa ma se fefe, faiga e le talafeagai ai ma le faamata’u na afaina ai o ia. O lea matou te talanoa atu e uiga i aia tatau faavae uma tau le tagata soifua-lea na matua soli pala iinei i totonu o lo tatou atunuu. O lenei aia tatau e foliga mai ua le maua e le toatele o tagata ia ua una’ia e lagona ma lo latou mitamita vale i le atunuu.

Tama’ita’i e ma alii, o le tala moni lva lenei. O le mataupu anoa moni lenei. O se itu e faanoanoa ai ona o le turisi, le Palemia ma le tulaga faatuatuaina o se malo o lea ua fesiligia talu ai le mea na tupu.

Ae peitai, ae tatou te le’i oso ma fai atu soo se isi lava mea e uiga i le tulaga leaga o le tusiga o tala, upu ma uiga faa-foliga, o ai e sese pe sa’o ma isi lava mea-e sa’o pe sese ma soo se mea lava e te manatu o le faafitauli lea, ia outou mafaufau i le itu lenei: O Angie Jackson-o se afafine lea o le isi tagata, o ia o le uso o le isi tagata ma o ia o le tagata ola na matua leaga le faiga na fai i ai.

E alofagia o ia e lona to’alua lea na ia talia le mea e le mafai e se isi alii ona talia-o le matamata atu lea a’o toso faamalosi lona to’alua e se meaola lea sa tatau ona loka i totonu o le falepuipui.

E pei foi ona soli le aia tatau a Angie, sa faapea foi ona soli le aia tatau a lona to’alua. O i la’ua moni ia na afaina i lenei mea leaga. O le a lava sou lagona pe ana faapea o Angie o lou tuafafine? E faapefea pea na faapea o lou afafine? E faapefea pe ana faapea o lou to’alua? O le a sou lagona ma faamata o le a se mea e te ono faia? Faamata e finau pea le Palemia e puipui le mitamita o Samoa ma lona tulaga faava-o-malo pe ana o sona afafine? 

O le sese o le nofoaga ma le sese o le taimi?  Ua na o se mea faatiga ulu. E lelei ona faamanatu ia i tatou iinei lava e faapea a o mai tagata asiasi i Samoa, o fea lava latou te i ai, e i ai le latou aia tatau i se puipuiga e sili ona lelei-e pei lava ona tatou faia pe a tatou malaga i atunuu mamao. 

Matou te le manomia se auaunaga tau le puipuiga mo le 24 itula ma polokalame a le CCTV, o lea matou te talanoa atu i le puipuiga o le aia tatau faavae, a itiiti mai-o pagota uma lava e tatau ona loka.

O le talanoaina la o lea itu, o tagata lautele i totonu o lenei atunuu e ai se aia tatau i lenei puipuiga autu, o se aia tatau lea ua leva ona soli pea lava pea i le tele o tausaga.

Ae faafetai-o Angie Jackson ua na o se toatasi lea o le toatele o tamaitai i totonu o lenei atunuu o a latou aia tatau tau le puipuia ina ia faasaoina mai toso faamalosi ma isi lava solitulagono tau feusuaiga-ia o loo soli pea. O le faapea la o loo i ai se faafitauli tau feusuaiga  a Samoa e le o se faamatalaga sa’o lea.

O loo i luga o tatou lima se tulaga faigata. O le mataupu aupito i tele lenei. E leai se vaiaso e mavae atu e aunoa ma ni mataupu tau toso teine, fai taaga, faatiga, osofaiga tau feusuaiga-ia o loo fofogaina e le Faamasinoga. O le a se mea o ta’u mai e lea tulaga e uiga i lo tatou atunuu? 

Mafaufau i tamaitai ia o loo soli pala a latou aia tatau i taimi uma e tutupu ai nei faalavelave. O i latou o tatou tuafafine, afafine, to’alua, tina ma latou te moomia se tulaga e sili atu ona lelei. 

Sa le manaomia e Angie Jackson lea mea na fai ia te ia.  Ma e faapena foi tamaitai uma lava o Samoa ia sa feagai ma ia tiga e le fia mafaufau i ai. Latou te manaomia se tulaga e sili ona lelei.

 

© Samoa Observer 2016

Developed by Samoa Observer in Apia