O le a vave faailoa mai e le Malo le kamupani fou

By Pai Mulitalo Ale 22 June 2016, 12:00AM

O le galuega e faitau miliona ma miliona lona tau lea na fai e una’ia ai le atiina a’e i Satitoa Aleipata o le a vave ona avea ona avea ma se tasi o kamupani e faamautu i fafo.. O se kamupani fai faiva mai fafo ua naunau e faatu fale tuu-apa i’a i totonu o Samoa ma o loo tilotilo i le Vaega e Toso ai Vaa i Aleipata.

Na faailoa mai e le Minisita o Faatoaga ma Faigafaiva o Laauli Leuatea Polataivo i le Samoa Observer ananafi e faapea e le’i mae’a ona latou tapenaina le latou lipoti i le malo ma o le a vave mai se taimi latou te faalauiloaina ai. 

“O lea faalauiloa e mai le kapeneta ae o loo matou taumafai pea e tuu faatasi le lipoti, ona matou faalauiloa atu ai lea i se taimi vave ma o le a matou faailoa atu lava ia te outou,” o le faaaliga lea a Laauli ina ua fesiligia e uiga i se tala lata mai e uiga i le uafu i Satitoa.

Ma e tusa ai ma se lipoti mai le Radio New Zealand Internationa i le lua vaiaso talu ai-sa faaalia ai e faapea o le a vave mai se taimi e pulea ai e se kamupani faifaiva mai Saina  le Uafu i Satitoa ma faaaoga. Sa feiloa’i foi Sui o le kamupani ma sui o le malo e talanoaina lea fuafuaga a’o lei tuuina atu i le Kapeneta mo se faamaoniga. 

Sa fesoota’i atu le Samoa Observewr i le Minisita o Galuega, Fela’uaiga ma Galuega Tetele o Papalii Niko Lee Hang e uiga i le taualumaga o lenei atiina a’e. Ae ui o lea, fai mai Papalii ua faalogo i ai ae leai se faamaoniga-ae ona pau tagata e mafai ona maua mai ai se faamaoniga pe o i ai se kamupani o mana’o i ai-o le Matagaluega lea o Mataupu Tau le Va i Fafo.

Fai mai a ia o le faaaogaina o le uafu ma le vaega e toso ai vaa o loo i le Faalapotopotoga o Vaa a Samoa ma le Pulega o Taulaga.

By Pai Mulitalo Ale 22 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>