Manatu O Le Fa’atonu - Fai le mea e te mana’o e fai atu e le isi tagata i a te oe

Tusia Mata'afa Keni Lesa ,

100 Hits

O lo’o ua tu’uina mai e le pisinisi tu’umaoti nisi o mafua’aga taua e ao lava ina mafaufau i ai i le taimi lenei.

O se mea faigofie tele lea ua ta’uina mai e le malo e fa’atatau i aso e tolu lea o le a alo atu ai i le vaitau o le Sisigafu’a ma o le mea moni o le a i ai nisi o le a galulue mo isi tagata.

O lo’o o tatou iloa lelei le taunu’uga olea tulaga ma le pagatia o le a o’o i ai nisi ae o le mea moni ,  e tusa lava pe faigaluega pe leai foi nisi , e le tu’ua ai tupe e totogiina atu e pisinisi tu’umaoti.

O le mea lea e tupu mai i e o lo’o latou totogi lafoga , a isi o le a fiafia ai ae o nisi fo’i e leai. O le mea moni o le a mafai ona o latou e fiafia ai i ia aso ma malolo lelei pe fai fo’i ni a latou fa’atauga, ae le mafai la ona faia e i latou o lo’o galulue i lalo i pisinisi tu’umaoti.

O se itu faigata tele , e ui ina o lo’o ua  i ai i se faigata o lo’o aga’iga’i mai ai le fa’amafamafa o fesuiaiga ona o le tamaoaiga o lo’o feagai  ai ne.

Saunoa mai le Pule Sili Samoa o le Yazaki i a Funefeai Oliva Va’ai o la latou iloa mai tupu o lo’o ua fa’atulagaina mo le totogiina ai o nei aso malolo e tusa lea ma $300,000, ma e le aofia ai nisi o tau e ao ona faia aua  totogi o pasi ma meaai ma isi mea  i luga o le tau ua tu’uina atu.

 “O se mea e matua’i tele ai lava le lusi i le tilotilo atu ai” o lana tala mai lea.

O la matou kalena fa’alegaluega e na o le tasi lava le aso malolo ae ua fa’ate’ia le tu’uina mai e lua isi aso ua fa’aopopo, ma o se itu fa’anoanoa tele lea,

 “O lona uiga o le a galulue ovataimi, totogi nisi o pili, o mea’ai fa’aopopo ma le tele lava o mea o lo’o ua mafaufau atu nei i ai.

Afai la o lea. Ae fa’afefea e o lo’o fia galulue ina maua se tupe.?Saunoa Funefeai ia e tele se galuega e toe fia faia ona o lea tulaga.

O lo’o sa’o ia i se isi itu.

Saunoa le Pule Sili o le Chamber of Commerce, i a Hobart Va’ai o se itu faigata tele lea i le tilotilo atu i ai.

 “O le itu faigata mo le tamaoaiga aemaise o vaega fa’afuase’i fa’apea e faigata tele E ao ai lava i le Palemia ona silasila toto’a i fa’aiuga nei. O le mea moni lava, e ao ia e faia se mea e te mana’o e fai atu e le isi tagata i a te oe.

E fa’apefea le tagata fai pisinisi o se vaega pagatia tele lea.

O le a sou manatu? Manuia tele le Aso Sa.

© Samoa Observer 2016

Developed by Samoa Observer in Apia