Ua lapata’ina le Malo e uiga i se fuafuaga mata’utia tau le Faavae

Tusia Alex Perrottet , RNZI ma Faaliliu e Seagaitumua Tupuola ,

195 Hits

Le Alii Polofesa o  Iati Iati, Reverend Motu Mauga ma Le Alii Polofesa o  Rex Ahdar.

Le Alii Polofesa o Iati Iati, Reverend Motu Mauga ma Le Alii Polofesa o Rex Ahdar.

Ua uma ona lapata’ina le malo ina ia ‘aua lava ne’i ona faia ni suiga i le Faavae ina ia saga aloa’ia ai le Talitonuga Faa-Kerisiano e avea ma tapuaiga aloa’ia a Samoa. 

Ina ua mae’a ona faamaonia e le palemia o le a na iloiloina lea talosaga, na toe fai ai e le Faalapotopotoga a Ekalesia Soofaatasi se isi laasaga i luma ma tapā ai le faasaina o le Tapuaiga Isalama. 

E ui lava ina fai mai nisi o lea fuafuaga e faavae i luga o le matua faapopoleina, ae fai mai isi –ua na o se faiga masani lava faale-tapuaiga. 

Na faate’i e le Failautusi Aoao a Ekalesia Soofaatasi a Samoa o Reverend Ma’auga Motu ni manatu o tagata ina ua na tapā le faasaina  le Isalama, ma e ui lava i ni fuainumera talu ai nei o loo faaalia ai e faapea o le Tapuaiga Mosalemi e na o le 0.03 pasene o le faitau aofai o tagata. 

Fai mai Polofesa Rex Ahdar mai le Iunivesite o Otago, o ekalesia Kerisiano  i totonu o Samoa e pei lava le mea o loo tilotilo i ai o le “puipuia lea o lo latou malae.” “Ma o loo ia i latou ni popolega talafeagai, ma e tatau la ona tatou tali i ai, e le maua so latou tulaga atoatoa e aunoa ma se faavae, popolega e uiga i le tuputupu a’e o le lotu Isalama lea ua uma ona latou vaaia i totonu o isi atunuu o le lalolagi e aofia ai ma sisigo,” o lana faaaliga lea. 

I le taimi nei la-e ono mafai ona e faapea mai-ia o lena tulaga ua na o se tauvaga talafeagai, ae faamata e le tatau ona latou tauva i totonu o le maketi tau tapuaiga, e pei o soo se isi lava, ae foliga mai lava e pei i latou o ni tagata mata’utia, e faamalie atu ona o le faaaogaina o lenei faatulagaga tau tamaoaiga, o loo latou puipuia lo latou sao i le maketi.”Ua uma ona feiloa’i Rex Ahdar ma le taitai o le lotu e tasi i totonu o Samoa ma fai mai a ia-o ia o se ‘tagata lelei,’ ma o tagata Mosalemi e nonofo fealofani i totonu o le nuu. 

O se tagata Fiti na fanau i Niu Sila, o Aarif Rasheed, lea na faavaeina le Religious Diversity Centre fai o ia foi e faigaluega faatasi ma tagata Mosalemi ma Kerisiano i totonu o Samoa ma e tatau ona lava se silafia pe faapefea  ona ola fealofani ni ekalesia se lua i totonu o vaega e tele o le lalolagi.

 “O lona vaega tele e faasino i le faia ia mautinoa e faapea ua i ta’ita’i o ekalesia se vaega tele o le pulega ma ua ia i latou se avega mamafa o le faatuatuaga ua tuuina atu ia i latou ina ia mautinoa ai e le maua i latou i nisi o mea e sili atu ona mautu ma le faavasegaina o le itu tau tapuaiga e le talafeagai ai o le faatalale tau tapuaiga ma faiga leaga.”.

Fai mai Polofesa Iati Iani mai le Iunivesite o Otago o taitai o ekalesia na latou tapā ina ia faatumauina le talitonuga Faa-Kerisiano i totonu o le Faavae atonu na una’ia e le mea moni e faapea o le faatuatua i le taimi nei ua matua tuuina fausia atoatoa i totonu o faavae o le atunuu. 

“O le faife’au a le ekalesia o i totonu o le nuu e matua mautu lava lona tulaga. O ia o se ituaiga o tagata e mana’o e alu-“i le va ma totonu o tagata polokiki eseese i totonu o le nuu ma o lea ua latou tuuina atu ai se ituaiga o tulaga mamalu i totonu o le aganuu ma faiga tau le aganuu ma o le pogai lena ou te manatu ai e matua tele le vaega o loo faatino e le Talitonuga Faa-Kerisiano i totonu o Samoa.”

O Dr. John Shaver lea na ia faia suesuega i totonu o le lautele o talitonuga fai mai e faigofie mo le le kea ma le popole ona sasao pe afai e faalagolago tasi tagata i nusipepa. “O le faafitauli o le le lava o faamatalaga ma afai e le mafai e lou tomai faale-tagata ona taitai oe i taimi uma i feutanaiga ma tagata Mosalemi to’afilemu-o lona uiga e te faalagolago i nusipepa.

Ma a tatou iloa e faapea o faataitaiga lelei a vaega toaitiiti i totonu o nusipepa e mafai ona faaitiitia le mua’i faamasinoga,” Fai mai Polofesa Iati Iati-o le talitonuga faa-Kerisiano o se tasi lea o mafuaga o le mautu uiga ese o Samoa, ae peitai-ua tuuina mai ai se lapataiga manino e uiga e uiga i le taalo i le faavae.

“O le a agai atu Samoa i lalo i se ala mata’utia pe afai e taumafai e teu mau i totonu o le tulafono le faasaina o se tapuaiga faapitoa. Ua faaalia i le tala faasolopito e faapea o taimi uma lava e te tuufaatasi ai se ekalesia ma se malo- o lona taunuuga o le vevesi.”

O isi tagata Mosalemi e galulue fua ia na malaga mai i Samoa mai Niu Sila fai mai sa latou fesoasoani i se faiga to’afilemu ma tagata Mosalemi ma Kerisiano, e leai ma se manatu ina ia maua ni tagata fou ua liua, vagana ai le fesoasoani atu i isi ona o tagata soifua.

© Samoa Observer 2016

Developed by Samoa Observer in Apia