TALATU’U O TUTUILA

2016 Hits

O Tutuila lea e ta’oto i le va o Upolu ma Manu’a ma a lelei le Tau e mafaI ona vaaia mai atumauga o ia motu-fai mai suesuega a Papalagi e le taua tele e tusa ai ma lo latou tulaga tau upufai-ma e leai foi ni o latou lava suafa matai, ae peiseai sa faalagolago tele i Atua.

O lona faalupega e manino mai ai e faapea o ona tagata aemaise ai lava o latou alii -e afua mai Upolu poo Savaii, ae anoano foi o latou sootaga ma Manu’a, ma o Tuimanu’a na mafua ai ona aloa’ia. I aso nei o tupulaga talavou o Manu’a e o iTutuila e ta ai a latou tatau- ona e tapu e ekalesia  i Manu’a. 

O le pogai o le igoa o Tutuila e tusa ai ma faamaumauga a Misi Tana- fai mai e afua mai se ulugalii o Tutu ma Ila ma le la tama teine o Salaia-ma ia manatua foi Tapusalaia o Siumu lea na sola i Tutuila.

A tu’u- faatasi la igoa o lea ulugalii ona maua ai lea o le igoa o Tutuila-ma o le pogai foi lea ua faaigoa ai Tutuila o le Motu Sa poo le Motu o Salaia.

O lenei la motu matagofie o Tutuila e mafai ona faatusatusa i le itu i matū o Atua lea e tele ona matafaga ae le mafai foi ona faatusalia le matagofie o Pago Pago, ma ona pau lava lea o se vaega e si’o e se taulaga tele saogalemu.

E faapea uma lava le motu o Manono i Upolu; ma o se motu itiiti o Aunuu o loo i sauté sasa’e ma o lona tulaga e atagia ai lona taua tau pulega malo; ma o se motu o Tutuila. O Aunuu o loo i ai se gutu o se mauga-mu ma o le pogai lea e matua tetele ai le namu. O le talatuu o ia namu o loo faamaumauina lelei. O le itu i sisifo o Aunuu o loo i ai se vasa tele ma ni matafaga tetele ua faaigoa o Nafanua ma 

Taema, ia e faasino i ai ni tala anamua e sili ona lelei o Tutuila- e tusa ai ma faamaumauga o le tupu’aga o Le’iato, poo se aiga aupito i malosi lea o alii. E soso’o le Aiga o Le’iato ma le isi aiga malosi o le motu- o Mauga lea i Pago Pago, lea e soo-tino ma le aiga anamua o Fua’au ma le aiga o Tavai.

O le aiga o Fua’au na tupu mai ai le tagata na faasa’olotina Tutuila mai tagata Tonga; ae o le aiga o Mauga na pogai mai ai Lata lea e faaigoa e Niu Sila o Rata. E ese ai mai isi aiga ua leva e pei o Tuitele ma Fa’ivae i Leone, ae o le toatele lava o tagata e mai Upolu.

O le faamaoniga o lea itu o le tele o suafa mai Upolu o loo ta’ua i lo latou Faalupega e pei o le Tuiaana, Lealaisalanoa, Sagapolutele, Tupuola, Tago ma isi; ae sili ai le ta’ua soo o suafa o Falealili e pei o Fuimaono, Fonoti, Talo; Ofo’ia, Satele, Fanene ma isi.

O le nuu o Vailoa e maua mai ai le faamaoniga atoa o lea mau. O le tele o nei igoa masalo o ni meaalofa mai alii o Upolu i o latou aiga poo ni faiga faa-‘autau i Tutuila i taimi o taua; ae le mafai ai ona faafitia le ono o atu o ni tagata se toatele mai Upolu i Tutuila.

O le mea moni lava- e leai se taimi e faapea na pulea ai e le Tuimanu’a Tutuila. O Tutuila la e iva ona itumalo poo Sua ma le Vaifanua pe a tuufaatasi, e pei o Fofō ma Itulagi ma o i latou ia e pulea le motu. O Upu Taoto la o Tutuila e faapea: O Sua ma le Vaifanua, Saole ma Fagaloa; Itu’au ma Nofoa; Fofō ma Itulagi.

O Sua e aofia ai Fagaitua, Laulii, Masefau, Afono ma Masausi; Vaifanua o Aoa, Sa’ilele, Vatia, Tula, Ogenoa, Alao ma Utumea; o Saole e faasino ia Aunuu, Amouli, Alofau; Fagaloa-o Pago Pago, Aua, Leloaloa, Fagatogo ma Fagaalu; Itu’au- e aofia ai Nuuuli, Faganeanea ma Matu’u; Fofō e aofia ai Leone ma Samatua lea e aofia ai Nua, Se’etaga, Fa’ilolo, Amanave, Sili ma Afao; o le Tapuaiga e aofia ai Poloa, Fagalii, Fagamalo.

O le Itulagi-Tualatai- e aofia ai Vailoa, Tuautu, Taputimu, Malaeloa, Salaga, Fagalua, To’agama’a ma Fagatele. O le Tuala-uta-e aofia ai Iliili. Vaitogi, Pavā’aia’i, Faleniu, Tafuna ma Soleauau; Leasina o Aloau; Satoa o Asu ma Fagafue. O le Aoao Tetele la o Tutuila e faapea:- “Tulouina Oe le Motu Tapua’i; Tulouna le Tapua’iga a le Motu o Salaia; Tulouna Sua ma le Vaifanua; Tulouna Fofō ma Itulagi.

© Samoa Observer 2016

Developed by Samoa Observer in Apia