Manatu o le Fa’atonu - Ua matua pulato’a mai le mea moni ia i tatou e aunoa ma se ‘emo’emo

157 Hits

Tusia - Mata’afa Keni Lesa

Faaliliu e Seagaitumua Tupuola


Talofa e ia A’e’au Chris Hazelman! O le Faatonu o A’oga a le Katoliko-ae o lea ua na faia le mea e sili ona aloa’ia-e ala i le faato’ese  mo le amio mataga a nisi o tamaiti a’oga e tusa ai ma misa ua tatou vaaia i le salafa o le taulaga.

Ae peitai-e le tatau ia te ia ona faia lea tulaga. E le o soona faatamala-poo se faatamala o faiga tau aoaoga-ua amio ai faapenei nei tagata talavou e peiseai ua ulufia e tagata valelea. 

Ia ‘aua ne’i outou ave seseina i matou. Matou te talia le itu e faapea e i ai le vaega e tatau ona faatino e a’oga ma o maseiga i le va o a’oga o le pogai lea ua mafua ai. Ae faapea uso e, e lelei ona tatou faasa’o lea tulaga iinei ma le taimi nei lava, o uiga faaalia ma amioga-o mea ia e faatulaga i le aiga. O lona uiga- a le amio pulea tamaiti, e le o se mea e sa’o atoatoa mo le atunuu ona tuua’ia faia’oga ma a’oga.

Matou te talitonu o matua e tatau ona noatia ina ia mautali atu. O ekalesia ma nu’u e tatau ona tuua’ia i se tasi itu. Ua matou fai atu faapenei talu ai-o le nofoaga lenei e aoaoina ai le ola faale-agaga ma mea e faatauina ma faapelepele i ai.

O le a ‘ou faamatala atu. O faia’oga-ma le faiga tau aoaoga e tusa ai ma lea itu- e tatgau ona matua sasa pala ma faitioina pe a le manuia a’oga a tamaiti a’oga.E mafua lena tulaga-talu ai o le latou galuega le fai ia mautinoa ia pasi su’ega a tamaiti a’oga. O le mea lea-afai e faaauau pea ona tuuina mai e faiga tau aoaoga tamaiti a’oga faavalevalea, e tatau ona tatou fesiligia faia’oga.

O le tuuina atu lena o le faaseā i le mea e tatau ona tuu atu i ai. Ae o le faanonou o mata i faia’oga ma le faiga tau a’oa’oga talu ai le faaauau pea o misa i le va o aoga i totonu o Apia-e sese ma e tatau ona taofia.

E lelei ona faamanatu ia i tatou iinei e faapea o le alofa e fofoa mai le aiga. I se tasi faaupuga, afai o se tamaitiiti poo se teineititi o loo tausi e matua ma e vaaia ina ia faaaloalo i isi tagata ma le tulafono i le aiga, e ono mafai ona latou tutupu ae ma e le galo ia i latou ia lesona.

Mo se taimi umi na’ua, o taimi uma lava e tulai mai ai le mataupu tau sauaga ma le amio mataga i le va o tamaiti a’oga, e vave tele ona tatou tuua’ia a’oga, faia’oga, taaloga ma isi mea uma lava. O nisi o faaseā e moni.Ae o le tele lava o taimi, e misi ia i tatou le mea o i ai le faailoga. 

E le mafai ona tuua lo tatou tusitusi lima ia i tatou lava.  O le a la tatou mea o fai i ai? O faapefea o na fai i ai so tatou sao? O le a se tulaga o aafia ai nei tamaiti a’oga ona o ata tifaga i luga o le Televise?  Ae faapefea tala o i totonu o nusipepa ia e peiseai o loo viia ai faiga sese ma le amio pa’a’ā? O le itu uiga ese, o ia mea ua faaigoaina o faiga fou tau sauaga o aso nei  o le initeneti ma telefoni feavea’i 

O ai na faatagaina nei mea uiga ese tau tekonolosi i totonu o Samoa?

O ai le poto maoa’e na aumai lea fuafuaga e faa-sa’oloto ai le vaega tau fesootaiga lea ua pogai ai i nei aso ona avanoa tagata uma i le Facebook, You Tube ma isi lav mea eseese uma? 

O le lape o ai ua le lelei ai ona tapena o tatou tagata ma faaaoga sese i taimi uma nei mea faigaluega-talu ai ua le lava faatotogaina i latou e uiga i nei mea lelei ma mea le lelei e tusa ai ma le tulaga muamua? Tama’ita’i e ma alii, o faia’oga ma le faiga tau aoaoga e le mafai ona tuua’ia mo nei mea. O ia faalavelave o gasegase ia o tagata o le atunuu. O se tulaga lea ua le mafai ai e tusa ai ma le faiga o loo tatou faaaogaina.

E noatia i tatou uma lava. E noatia a’u, e noatia oe, o ta’ita’i e noatia; e tofu i tatou uma lava ma lana e fai. O le talanoaina la o matafaioi ma tiute tauave, o le mea moni o loo pulato’a ma i o  tatou foliga e aunoa ma se ‘emo. O le leai o ni galuega i totonu o lenei atunuu o se mea faatiga lea. 

E toatele tagata talavou faatoa i’u mai kolisi o loo to’ulu i totonu o vaega ta’ei ma malepelepe. E le gata ina leai ni a latou galuega ae leai foi se malosi e tuliloa ai nisi su’esu’ega. O le tulaga la ua tupu mai, o i latou nei ua uma ona ta’ua e faapea o i latou ia o loo una’ia nisi o nei misa ma vevesi. O ai e noatia mo nei tagata talavou? Faamata o i ai se lumana’i mo i latou? Pe o tatou vaaia le amataga o se vevesi i totonu o “Samoa lea e mafai ona avea ma mea e sili ona mataga?

O nisi o faamatalaga o ata ua tatou vaaia mai ia misa ua auina atu ai se lagona gatete i le tuasivi. E tau faafefe pe a silasila i ai. O le mea moni lava ma le faigofie e faapea ua matua toatele lava ua uma a’oga ae matua itiiti lava avanoa tau galuega e mafai ona maua mo i latou. O nei tagata talavou i le taimi nei e leai ni a latou mea e fai vagana ai le moe miti mo le isi misa, o le isi lea youtube video tele. Ua na ona latou feoa’i solo i ala tetele e faatupu faalavelave

Matou te ioe o i latou o ni vale faata’ita’i. Ae peitai-o ia vale faata’ita’i o se vaega lea o i tatou, o i latou o tagata Samoa, o lenei atunuu na ola a’e ai i latou?Ia-o le a sa tatou mea o le a fai i ai? O fea o le a tatou aga atu i ai mai iinei? 

Muamua, e tatau ona tatou toe fo’i i faavae e tusa ai ma mea e faataua e o tatou aiga. E tatau ona tatou toe fo’i i tua i le mea na tatou amata mai ai –lea e aoaoina ai tagata talavou e uiga i le faaaloalo ma le alofa i totonu o tatou aiga. 

Ona soso’o ai lea ma le manaomia o i tatou e mafaufau pe aisea ua tutupu mai ai nei mea. 

O le sootaga i le va o le leai o se galuega ma le faateleina o gaoioiga solitulafono ua maopoopo lelei ona faamaumauina. Ma tatou te le manaomia se isi lava faamaoniga. O loo tupu i totonu o Samoa. E mafai ona faateleina lona leaga.

Mulimuli ane, ona taunuu lea i lalo i le malo ma lona gafatia ona maua ni galuega mo tagata talavou na pa’u’ū ese  i totonu o vaega ua ta’ei ina ua uma le kolisi. E telē le galuega e ao ona fai e le vaega o pisinisi.

O le mea moni, e le lava ona matou faamamafaina le taua o faiga faa-paaga i le va o ole malo ma le ‘aufaipisinisi.

O le faamoemoe e faapea e tatau i le Malo ona tuuina mai se siosiomaga e sili ona lelei mo le aufaipisini e tupu a’e ai ma ofo atu nisi avanoa tau gluega. E le o se itu e tatau ona faailoa atu, o le leai o ni galuega o se matua faatiga lava lea e le mafai ona tatou ‘alofia. Ae peitai- e le mafai lava ona alu ese se’ia vagana ai ua fai e le Malo se faiga e fo’ia ai lea tulaga. I le taimi nei, tatou te le o vaaia lava soo se mea. Ma o le mea moni lena e matua sili ona faigata. E matua le mafai lava ona teena.

 

 

 


© Samoa Observer 2016

Developed by Samoa Observer in Apia