Tamaiti A’oga ua saisai e Leoleo

228 Hits

Pai Mulitalo Ale 

Faaliliu e Seagaitumua Tupuola

 

E to’afa ni tamaiti a’oga e loo saisai pea e Leoleo ina ua mae’a ona pu’e i latou i le afiafi o le Aso Tofi ona o se misa i le va o le Kolisi o Avele, Kolisi o Sagato Iosefu ma Don Bosco. 

O isi tamaitai a’oga e to’afa e eseese o latou moliaga tau le faao’o-lima, faaaogaina o upu masoā ma le faatiga, ma pogai ai ni manu’a tugā i le tino.

E tusa ai ma le Alii Ofisa o Tala Fou a le Matagaluega o Leoleo o Maotaoalii Kaioneta Kitiona, o loo taumafai pea le matagaluega e saili ia mautinoa pe o le a tonu lava le mea na tupu i le flea maketi.

Na o mai sauni lava ia tamaiti a’oga. Na latou iloa o loo matou pisi ia matou tapenaga mo le sauniga o le faatautoina o Sui Usufono fou o le Palemene,” o le faaaliga lea a Maotaoalii. Fai mai Maota o loo faaauau pea suesuega ma o loo latou taumafai pea e aumai tamaiti a’oga e fesiligia. 

“Ua uma ona matou tuuina atu ia i latou le anoano o avanoa, ae foliga mai o loo latou faaaogaina sese foi leoleo,” o lana faaaliga lea. Fai mai a ia latou te le toe tuuina atu se isi lava avanoa i soo se tamaitiiti a’oga na te save’u le to’afilemu o tagata lautele.  Fai mai Maota o loo i ai lava se tagata o lautua i lenei mea; o se tasi lea na te faatupuina nei misa.

E tusa ai ma nisi o alii leoleo sa tiute ananafi, fai mai na o mai sauni lava Sagato Iosefo.

O le latou a’oga e tu’ua i le 1:30 i le aoauli-ae sa vaaia i latou i le nofoaga e faatali ai pasi ae ua leva ona te’a lena taimi talu ai-o fusuaga na amata pe o le 3:3- i lea aoauli. E talitonu Maota o le faaaogaina o fesootaiga lautele ma le uiga ese o le tekonolosi-e ono mafai ona faapea o le pogai lea o le faafitauli.

“O isi tamaiti a’oga ia e le lelei  i le a’oga ae lelei tele i le tekonolosi,” o le faaaliga lea a Maota.. Fai mai a ia o le tele o misa e mafua mai le Facebook. O loo i ai se tagata tau faaoso fia malosi o loo latou faia le mea sili latou te mafaia e tuuina atu lea fe’au ina ia iloa ai e tagata lautele soligatulafono tau le faaaogaina o ia fesootaiga ma le faaaliali o le fia malosi –ma o le taunuuga lea o lenei tulaga.

Sa le mafai e Leoleo ona faamaonia le aofai o i latou na manunu’a.

© Samoa Observer 2016

Developed by Samoa Observer in Apia