Tu’u atu le tauau o le Caritas Samoa

By Deidre Tautua-Fanene 22 February 2018, 12:00AM

O le fa’alapotopotoga aleCaritas Samoa o se tasi lea o vaega sa mafai ona latou tu’uina atu lo latou tau’au e fesoasoani ai mo e sa a’afia i le afā o Gita i le lua vaiaso ua mavae atu nei.

O le sa fa’auluulu i ai lenei polokalame, Fuatino Muliagatele-Ah Wai, sa ia fa’ailoa i le samoa Observer o lea ua galulue le ofisa e tufatufaina atu ni meaalofa mo nai nei aiga ina ia fesoasoani ai mo i latou.

O aiga nei o lea ua matou ofoina atu ai le fesoasoani e pei o Vaimoso, Taufusi, Togafu’afu’a, Moata’a, Fugalei ma isi afioaga.

 “O le sini autu o le matou polokalame o le matou fesoaosani atu lea i e o lo’o mana’omia le fesoasoani.

“O lo’o i ai fo’i lesi matou vaega i Savai’i ma nu’u i tua o lo’o galulue fo’i i le tufatufaina o nei meatotino mo nai nei aiga.

“E pei ona iai, tapoleni, ulo, palanikeke, faga’au ma isi lava mea o lo’o mana’omia i le taimi nei e toe atia’e ai aiga o tagata nei na a’afia.

“O lea fo’i matou te galulue fa’atasi ma le vaega o le koluse mumu fa’apea ai ma le vaega o fa;alavelave fa’afuase’i i le iloiloina o aiga ia ua uma ona ave i ai le fesoasoani.

“Elelei le galulue fa’atasi ina ia aua ne’i sees le tufatufaina o meaalofa mo nai nei aiga.”

Sa ta’ua e Fuatino e 182 aiga e aofia ai Upolu ma Savaii ua mafai ona fesoasoani ai le Caritas Samoa.

“A’o le’i tufatufaina mea’alofa sa faia a matou asiasiga e mata’itu ai aiga ua a’afia.

“Ua uma ona faia a’oa’oga a matou tagata faigaluega, aemaise o le tufatufaina o nei meaalofa, e le gata i lea ae ua mae’a ona fai a’oa’oga i gaioiga e fai pe o’o i taimi e tutupu ai mala fa’alenatura ma nofoaga e o i ai.

“O nei fesoaosani uma e mai i Niu Sila ma Ausetalia, ma o tausaga uma lava e aumai ai lava nei fesoasoani aua tapenapenaga mo fa’alavelave tutupu fa’afuasei.

Sa ia ta’ua fo’i ua i ai fo’i e sulufa’i atu ai latou o lo’o mana’omia se fesoasoani pe a o’o i taimi fa’apenei.

O lenei nofoaga o lo’o fa’amautu i Vaoala, ma o matou containers e lua o lo’o i Upolu nei lua o lo’o i Savaii.

Sa i ai ni tagata sa oatu i le matou fale i Vaoala ma o sa matou faia a latou taumafataga matou tali I manaoga i taimi o faalavelave faafausei.

By Deidre Tautua-Fanene 22 February 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>