O le maumaga o le ola lea
O le ala i le pule o le tautua
O le maua ai o le fa’atalatanoaga a le Fofoga o Samoa ma le tama matua ia Fa’alava Iosefa, 67 tausaga le matua le soifua, sa ia fa’ailoa ia le olaga galuea ma o le ala foi i le pule ma le ola manuia o se aiga.
“E ui lava i le tele le pologa ma le tele lava le vaivai ae o lo’o faia lava le fatu aiga tausi ma le naunautaiga ia manuia iaga ma ia maua ni lumana’I manuia o fanau.
“Pei lava na ou fai atu, o le ola galuega e le faigofie ae o le manatu maualuga ia manuia fanau ma maua le ola fiafia i totonu le aiga. O lana lea saunoaga.
“Ou te tautino atu, e leai lava se galuega sili ona tupe lelei e pei o le faifatoaga, ma o se galuega lava lea e patino lava i le tama i le atina’eina o le aiga.
O le faamanuiaina ai o le tama ia Faalava Iosefa i ni tamaiti toa fa sa ia fa’apea ai i lona loto e tele lava fa’afitauli o le feagai ai ma ia ae o le a ia onosai ai aua o fanau o le tofi mai le Atua
“Ia mo le silafia o le maumaga lava sa tausi mai ai le fanau mai le laiti se ia o’o mai lava I le taimi nei, a tu’u foi si sesi itu o le maumaga le ola o si o’u aiga aua ana leai lava le maumaga e leiloa pe fa’afefea na tausi tamaiti.
“O meamata lava sa fa’atau I le maketi, e iai foi le isi taimi ua le lava le fa’asoa ma leai ai se tupe e pasese ai I Apia ona fa’asavili lava lea o meamata i totonu si maotu nu’u.
“O se galuega faigata ma fiata le fai maumaga ae ui i lea o se alaga tupe manuia ma sa fesoasaoni malosi lava i le aiga ae le gata i lea o le lima taumatau lava i le fa’aaoogaina o tamaiti.
Sa taua foi e Fa’alava tele o taimi e lagona ia le vaivai ma le manatu lelava ae sa tua lava i le manuia o fanau ma ua mafai ai ona ave le isi toalua o lana fanau I NZ o lo’o fesoasoani malosi mai lava i le taimi nei.
“E oo’o mai lava i le taimi nei o lo’o fa’aauau lava le fai maumaga ma o lo’o tualaga lelei lava mea uma ma ua avea foi ma masani.
Sa ia fa’ailoa foi tele o tagata o lo’o faitio i le taugata le soifuaga pei ta’i e le’o le mafuaga lea.
“O le tele lava o le paie, o le le ola galuega ma le ola finau ae maise ai le fa’alagolago lava I le tekenolosi ua sao mai.
O le le isi foi mau i le tama e leai se tasi o le aiga e faigaluega ae o le maumaga lava sa fa’amoemoe iai ma ua avea ma se tala fa’asolopito i le olaga o lona aiga.
“E taua ai lava le galuega ma aua le ola fa’alagolago ma ia taumafai e fai se suiga o le olaga.