Si’itia ‘au mai Savai’i i le Ta’amilosaga a le Vailima Malisi

161 Hits

Malo le tau: Le au mai Sa'asa'ai na maoa'e lona tula'i mai i le ta'amilosaga a le Vailima Malisi.

Malo le tau: Le au mai Sa'asa'ai na maoa'e lona tula'i mai i le ta'amilosaga a le Vailima Malisi.

Ilia L Likou

 

O le si’itia ai o ‘au mai Savai’i mo le ta’amilosaga lona 28 o le Vailima Malisi i Samoa o se itu lea ua maitauina i le ta’amilosaga o lenei tausaga.

Saunoa le Peresitene a le Malisi, Laulu Henry Taefu e fa’apea o se itu lelei tele lea e tatala atu ai avanoa mo alo ma tama fanau a le atunu’u o lo’o i nu’u i tua ma Savai’i.

“E pei ona silafia ai le tama lea o Afato So’oalo e pei ona i ai i aso ua alu , ia na maoae lona tula’i mai i le aga’i mai ai o  ‘au nei mai i Savai’i.

“O se itu lelei tele lea mo le fa’ailoa ai pea o le tele o taleni o lo’o natia i o tatou alo ma tama fanau o si o tatou atunu’u.

O se agaga fiafia fo’i lea na saunoa ai le Ta’ita’i o le ‘au mai Salelologa i Savai’i, Pauli Pelenato ona o lea fa’amoemoe tele e pei ona maitauina i le ta’amilosaga lenei a le Malisi.

“O le auai mai ai o le matou au mo lenei tausaga o se fa’afetai tele lea, aua o le lona lua ai nei o tausaga talu ona o matou omai ai i lenei tausaga.

“I a’i matou ia o le auai mai ai o se avanoa lelei tele lea e mafai ai ona feofoofota’i ma isi uso mai i Upolu nei, ma maua ai pea le fiafia e ta’aalo fa’atasi ai pea ae fa’silisili ai le fealofani.

“Fa’afetai ai le Malisi ona o le fa’aauau pea o nei ta’amilosaga aua le atina’eina o nai o tatou tama fanau.

Nisi o ata mai le aso muamua o le ta’amilosaga.

© Samoa Observer 2016

Developed by Samoa Observer in Apia