Ia fa’amausalī mafutaga tupulaga talavou

147 Hits

O le Aso Tofi 18 Ianuari na faia ai se mafutaga volipolo (volleyball) a le Autalavou Ekalesia Fa’apotopotoga Kerisiano Samoa Saoluafata ma Vailele.  

Na mafai ona fa’ataunu’uina lea fa’amoemoe i le Malae Ta’alo o le “Taga’i i le Gali” a le E.F.K.S. Saoluafata.

I lea fa’atasiga na talimalo ai le Susuga i le Faafeagaiga ia Limu’a’a Samuelu ma le faletua ia Daru aemais le paia ole Ekalesia i Saoluafata.  

O lenei mafutaga sa fuafuaina lava e Susuga i  Faafeagaiga o afio’aga e lua, le Susuga ia Rev Limu’a’a Samuelu (Saoluafata) ma le Susuga ia Siaosi Salesulu (Vailele).  

Na saunoa  le Susuga i le Fa’afeagaiga i a Limua’a le taua ai o so’o i mafutaga fa’ale-autalavou.

“O le fa’atauaina pea o taleni ta’alo a le fanau, aemaise o le soifua maloloina o fanau a’o sauni ai mo le toe amatalia o aoga o lenei tausaga,” Fa’afegaiga i a Limua’a.

“O le agaga lava lea o so’o se faife’au, e fa’amaopopo ma opogi fanau a le Ekalesia ma le nuu, ina ta’a’alo fa’atasi ma maua le agaga sa’ilimalo ma fealofani ai. 

“E le gata ina ia iloa ta’alo, ae silisili ona a’oa’oina ai le amio pulea ma le vafealoa’i.  

“E le taua le manumalo, ae sili ma taua le tausa’afia ma amio lelei.” 

O le agaga maualuga o le mafutaga a Autalavou e lua sa fa’atinoina, ia saga tapu’eina ai pea fanau lalovaoa ina ia malamalama ile alofa faasoa ole Atua aemaise o taleni ua foa’iina mo i latou, ma ia faamamafa ai pea le to’a’aga i le lotu ma fa’amaopopo i Aoga Aso Sa, autalavou, aufaipese aemaise le lotu.

O Vailele lea sa  talimalo i le mae’a ole Kerisimasi ma o nisi nei o ata o lenei fa’amoemoe taua.

© Samoa Observer 2016

Developed by Samoa Observer in Apia