“O le a vave faalauiloa Sui Faatutū” - Levao

177 Hits

Levaopolo Talatonu Va'ai.

Levaopolo Talatonu Va'ai.

Tusia - Lanuola Tusani Tupufia 

Faaliliu e Seagaitumua Tupuola

 

O se vaega o sui faatutū tu-to’atasi lea na faavaeina e le Sui Usufono muamua o le Palemene o Levaopolo Talatonu Vaai, ua sauni e faalauiloa faalaua’etele o latou sui faa-tutū i se taimi vave.

O lea tulaga na faamaonia e Levaopolo ananafi o ia na fai mai o latou sui faatutū e aofia ai se vaega tele o tagata polokiki ua i ai le poto masani. 

 “Matou te le o aumai ni tagata ia o loo taumafai e faamasani i le faatinoina o galuega tau polokiki,” o le faaaliga lea a Levao e ala i se talanoaga.

“Ua matou aumaia na o i latou ua uma ona malamalama i le faiga e manumalo ai i e tuuga-solofanua. Ua matou iloa lelei lava le mea e ao ona fai pe a filifilia i matou e faafoeina le malo.”

Fai mai Levao o le a latou faia se faasilasilaga faalaua’itele i se taimi vave. O lea faasilasilaga faalaua’itele e aofia ai fuafuaga mo se fuafuaga lelei e fesoasoani ai i tagata.

“A outou silasila i ai, a outou tuuina atu tupe i tagata-latou te le susunuina,” o le faaaliga lea a Levao.

“E faaaoga e tagata na tupe e faatau ai ma a latou faia lena tulaga, ua latou totogiina le GST ona nofo lea o le tupe i totonu o le tamaoaiga.” O le isi vaega na ta’ua e Levao fai mai o lana vaega o loo silasila toto’a i le manuia o le atunuu.

Fai mai a ia e tatau ona tuuina atu i tagata avanoa tutusa tau galuega ma faamanuiaga.

O ia faamanuiaga e aofia ai le tuuina atu i tagata ta’ito’atasi a itiiti mai o se $1,000 ina ia mafai ai ona latou soifua ma totogi a latou aitalafu.

O lena faiga-fai mai Levao-afai e 180,000 tagata o lenei atunuu-o lona uiga e tatau ona tuuina atu e le malo lea faamanuiaga i tagata e fesoasoani ai ina ia latou maua le ola ma totogi tupe alu i le tausiga o i latou.. Fai mai Levao o nei mea ma nisi o a latou fuafuaga o le a faaalia i se taimi vave.

© Samoa Observer 2016

Developed by Samoa Observer in Apia