Ua toe si’i le aao o le Minisita muamua o le Kapeneta

269 Hits

Le Dr. Tagaloa Pita.

Le Dr. Tagaloa Pita.

Tusia - Lanuola Tusani Tupufia 

Faaliliu e Seagaitumua Tupuola 

 

O le Minisita Muamua o le Kapeneta o, Le Dr. Tagaloa Pita-ua na toe tuuina atu lona suafa i totonu o le puloua mo le Faiga-Palota Lautele.

O le faagasologa o le fono a le Tautua Samoa Party ma nusipepa ananafi, na faaalia ai e Le Tagaloa lona avea ma sui faatu mo le faiga-palota.

O le faaalia la o lea tulaga-o lea ua tāpā ai e lea tamalii mai Sili lona itumalo o Palauli le Falefa ina ia palota mo se tasi ua i ai “lima e mamā ma se loto e mamā.” 

O lē sa avea muamua ma Minisita o Tupe-o Faumuina Tiatia Liuga o le Faipule lea mo le itumalo o Palauli Le Falefa.

O se sui faatu mo le Tautua, fai mai Le Tagaloa afai e toe fo’i mai le Vaega Faa-Upufai e Puipuia Aia Tatau a Tagata e faafoeina le malo pe a mavae le faiga-palota, e na o folafolaga lava latou te faia e pei o le taimi muamua..

“O lau fesli i lo’u itumalo e faapea, o ai tou te filifilia e fai ma outou sui i totonu o le saofaiga mamalu a le Palemene,” o le fesili lea a Le Tagaloa. “O le tali o se tasi lea ua i ai le loto e mamā ma lima e mamā.” Sa vave ona faitioina e Le Tagaloa lana paga.

Na ia ta’ua ai le faamavaega a Faumuina mai le tofi o le Minisita o Tupe. Fai mai Le Tagaloa o le taimi muamua lea ua tupu ai se mea faapea. .Fai mai Le Tagaloa o le pogai lea ua tonu ai ia te ia e tauva i le faiga-palota.

Sa le mafai ona maua mai se manatu faaalia mai ia Faumuina ananafi.

E uiga i vaega tau upufai, fai mai Le Tagaloa-afai e toe fo’i mai le H.R.P.P. i le paoa, o le a tumau pea Samoa i le tulaga o loo i ai. Ua mavae le 30 tausaga ae leai se mea e tasi ua suia ae na o le tele o folafolaga,” o lana faaaliga lea.

 “Ae afai e tou te palota ma fo’i mai le Tautua e faafoe le malo-o le a latou faia mea uma lava mo le manuia o tagata uma.”

E toalua isi sui faatutu mo le itumalo.

O lea to’alua e aofia ai le Pule Sili muamua o Auaunaga Tau le Soifua Maloloina Lautele-o Leota Laki Sio ma Tiatia Mapesone Mapuilesua.  Na filifilia Le Tagaloa mo lana paea’iga lona lua i totonu o le Palemene i le faiga-palota lautele o le 1973. Ua ia te ia se faailoga taualoa o le Honorary Doctor mai le Dre University i le Iunaite Setete.  

Sa avea o ia ma sui faipule o le H.R.P.P. ma sa avea ma minisita o le kapeneta  mo Mataupu Tau Tamaoaiga ma le Fale Meli.

© Samoa Observer 2016

Developed by Samoa Observer in Apia