Mana’omia se galuega
A leai se galuega e le mafai ona maua se fiafia.
O lea le talitonuga o Simaotua Temetiu o Falelauniu i le Fofoga o Samoa i le aso ananafi.
Na ia faailoa o le taumafai ai e su’e se galuega mo le tausia o le aiga ameaise o le fanau o se tulaga faigata tele.
“Ua o tatou iloa ma silafia uma lava le tulaga ua o tatou i ai lenei vaitau, o tupe lava mea uma.
“Ia aemaise ai lava nei nofoaga e le tele ni vaega e mafai ona fa’amoemoe e fai ai ni fa’ato’aga e fesoasoani ai le le tagolima ua i ai lenei vaitau.
“E pei o lea lava le tulaga o lo’o ua i ai, ma ole mafua’aga fo’i lea o le taumafai ai lava ina ia sailia se galuega e fesoasoani ai aiga nei vaitau.
“E le faigofie, ae mafai lava pe a naunau ma tu i luga e alu e su’e.
Na ia fa’ailoa o le taugata lava o le tau o le soifuaga o lo’o fai ma fa’afitauli lenei vaitau.
“O le itu taua o lo’o ua va’ava’ai atu ai o le mafai ona fesoasoani atu i aiga, ma o le itu lea e ao lava fo’i ona va’ava’ai atu ai.
“O le taimi lenei o lo’o ua ave foi le fa’amuamua i le tausiga o matua , e pei o lea lava le naunautaiga ina ia mafai ona maua se fesoasoani mo a’u i le itu tau galuega.
Na ia fa’ailoa o se tasi o uso o lo’o fa’atino lana faleaiga.
“Ia ae o le itu mautinoa e le taitai ona lava ai le fa’asoa, ua tele lava ina ia leiloa le isi taimi le mea afai.
“Ae pei o le tali lava lea i a te a’u le taimi lenei o le taumafai lava lea e su’e se galuega aua le tausiga o aiga.
Na ia fa’ailoa o so’o se galuega lava e talia ma le agaga fiafia.
E mafai ona feso’otai ia i le numera 7766056.