Fa’atino i le sili

By Deidre Tautua-Fanene 21 December 2017, 12:00AM

O le maua ia o le fa’atalatalanoaga ma Vise Visesio na ia fa’ailoa ai le agaga fa’afetai ona ua mafai e ia ona maua se galuega e fesoasoani ai le aiga.

“Ia o a’u  e le’i leva ona maua le galuega ma o lo’o ua avatu ai le mafaufau atoa aua le fa’atinoina o galuega.

“I a te a’u e le o toe faigofie nei aso aemaise ai o le tau o le soifuaga o lo’o ua tatou i ai nei.

“E ao lava ona fa’amuamua o mea uma aua le lelei alu i luma o aiga.

Na ia fa’ailoa o lo’o ua galue nei se galuega kuka i Faleula i le taimi lenei.

‘Ia o le bbq na a si aiga lea o lo’o ua galue ai , o le taimi lenei ia ua matuai fiafia ai lava lo’u tagata.

‘O lo’u ia iloa i ai e leai lava se mea o toe faigata i nei aso.

“E ao lava ona alu ai ma le loto atoa le fa’atinoina o so’o se vaega aua le lelei alu i luma o aiga aemaise o vaega fa’atino uma.

“O le olaga lenei e le’o o se olaga e nofonofo le fale ona sau lea o le tupe e su’e oe, e leai.

“E tatau lava ona fa’atino mea uma e tatau ona fai aua e pei o lea lava le tulaga e mafai ai so’o se vaega mo le lelei alu i luma.

“O le tulaga lelei fo’i lea mo le silafia ai o le atunu’u, ma o lo’u iloa e tatau ona fa’ailoa vaega uma mo le silafia ai o tatou tagata e leai lava se mea o toe faigofie nei aso.

“O le galue lava ia ma fa’alagolago i le Atua i mea uma.

By Deidre Tautua-Fanene 21 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>