Manuia taumafaiga fanau

Tusia Ioana Tupa'i ,

57 Hits

Fofo Tuneva Saleaula ma nisi o ana uo ma aiga.

Fofo Tuneva Saleaula ma nisi o ana uo ma aiga.

O le aso ananafi na faia ai le laugatogi a le Iunivesite Aoao a Samoa.

Na fa’atumulia I aiga ma uo aemaise o le mamalu o le au vala’aulia.

Na fa’ataunu’uina lea faamoemoe taua i le fale tele o le Iunivesite Aoao o Samoa.

O le Ofisa Sili o le Matagaluega o Galuega i a Afamasaga Su’a Poumulinuku Onesemo na  saunoa i le saunoaga autu o le aso.

Lea na ia fa’amanuia ai i e ua fa’ai’u ma le manuia a latou taumafaiga i lenei tausaga.

O le isi sui fa’au’u o lenei tausaga e aofia ai Fofo Tuneva o Saleaula.

Na ia fa’afetaia le lagolago ma le tatalo a matua ona o le tele o lo latou sao aua le aga’i atu ai le lumanai.

“Ia e tele lava tagata e fia momoli ai le fa’afetai ae o le viiga e fo’i i le Atua ona o lona alofa ma le agalelei aua ana le seanoa o ia e le mafai ona o’o mai lenei aso.

“E ui lava fo’i e le’i maua se fiafia ona o le le atoa o le mafutaga ma e pelē ae  e pei o le olaga lava e fa’apena lava e i ai lava itu e fa’apea ona vaivai ai aua le aga’i ai le lumana’i.

“O se itu e fa’afetaia ai pea le tapuaiga o aiga aemaise ole nofo tapuai ai taimi uma nei, e faigofie mea uma ma lelei i le lagolago mai pea.

O lona talitonga e le faigofie ae na mafai mea uma ona o le nofo  tatalo a matua ma aiga ma i latou uma na mafai ona auai.

O nisi fa’ailoga aloa’ia na mauaina lea e  La’ulu O Vini Michael Ah Young, Solonaima Uelese, Su’e Vaifale, Leufisa Asiasta Seumanutafa ma Fofō Tuneva Saleaula ma Rose-Hannah Mcfall.

© Samoa Observer 2016

Developed by Samoa Observer in Apia