Sa’ilia se galuega

By Ilia L Likou 21 October 2017, 12:00AM

O le maua ai o le fa’atalatalanoaga a le Fofoga o Samoa ma Vala’auina Ioane na ia fa’ailoa ai le tulaga faigata ua i ai nei Samoa.

“Ia ua tatou iloa uma lava ua taugata le tau o le soifuaga ma o se itu ua le toe mafai ona toe alofia.” O lana saunoaga lea.

O Vala’auina o se tinā e to’alua o la alo ma le tamā o le aiga ma o se itu na ia fa’ailoa le taumafai ai pea lea ina ia una’ia o so’o se taumafaiga aua le aga’i ai le lumana’i.

“Ia e mo le silafia o lo’o ma nonofo nei ma lo’u to’alua i lona aiga ma e to’alua la ma fanau.

“O le tulaga e pei ona ua i ai nei ua titilo atu lava ia ua tatau ona toe su’e se galuega aua e moni lava e to’atele ae pei o lou aiga lava ma lau fanau o meatotino lava ia e ao ona silasila toto’a i ai.

Na ia fa’ailoa o se itu e ao ona silasila toto’a i ai le taimi lenei.

“E pei o lea lava le tulaga ua taumafai ai lava e toe sailia se isi galuega, o a’u na faigaluega muamua i se tasi o ulugali’i.

“Ua alu a’i ua va’ai atu ia o lea ua toe malosi fo’i si a’u pepe laititi ia ua tatau ona toe sailia se isi galuega.

“O se itu e ao lava ona ave ai le fa’amuamua i lenei taimi aemaise ai le aga’i atu ai le lumana’i.

O lona finagalo o le ave lea o le fa’amuamua i le aiga aemaise o le fanau.

“Ia e pei o fanau lava o i latou labva ia e tua i ai pe a matutua, ma ose tulaga e ao lava ona silasila i ai matua ma ave ai le fa’amuamua.

“Ua ou va’ai atu fo’i ua amata ona matutua fanau ia e pei o lea lava le tulaga o lo’o ua ave i ai le fa’amuamua i le taimi lenei.

“E mo le silafia ai, o so’o se itu lava ia o lea lava le olaga, o tupe lava mea uma, e pei o lea ua ou manatu ai lava a’u ia.

“Ia ua tatau ona sailia se galuega.

By Ilia L Likou 21 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>