O lo’o taumafai pea e atia’e aiga

Tusia Vatapuia Maiava ma Ilia L Likou ,

130 Hits

Matau’aina Aiava o Vaie’e

Matau’aina Aiava o Vaie’e

“O le tausiga o le aiga i itu tau mea’ai o lo’o solosolo lelei mea uma,o  lo’o tua lava i fa’ato’aga e pei ona outou silasila atu nei i ai ae o le lava o le fa’asoa e pei o le tulaga lea o lo’o feagai ma le aiga i le taimi lenei, ma o lo’o taumafai lava ina ia atia’e aiga.” Matauaina Aiava, 54 le matua o le soifua o Vaie’e.

O le aso ananafi na maua ai le fa’atalatalanoaga ma le tinā i a Matau’aina ma na ia fa’ailoa ai e moni o lo’o i ai se tasi o ona alo o lo’o faigaluega ae le’o mafai lava ona feauauta’i le fa’asoa ona o le tele o vaega e fa’aalu ai tupe i vaiaso uma.

“O le taimi lenei ia  o lo’o i ai galuega o le fanau ae e moni lava ae le’o mafai ona lava le fa’asoasoa i le tele o taimi.

“E  pei ona outou silasila mai i le fale nei, ia ua tele le mana’o e fa’aleleia ae paga lea e le mafai ona faia o so’o se gaioiga pe ā va’ai atu e le’o lava se fa’asoasoa.

“O la’u ia va’ava’ai atu i ai, ia e mana’omia lava le tatau lava ona fa’aleleia ma fai se fale mautu ona o le popolega lava i le tele o mau fa’afitauli e tutupu fa’afuase’i mai.

“O lo’o mana’omia ai lava se fesoasoani mo le fale nei.

“Aemaise lava i mala fa’alenatura, ia o le agaga lena o lo’o mana’omia ai se fesoasoani mo le fale nei, ia o lena ua outou silasila atu i ai le tulaga fa’aletonu le faletaele o lenei aiga.

“Ia sa fa’aleaga i le afā ia o le lima vaivai lava ma le lelava o le fa’asoa e pei o le ala lena, e to’atasi le fanau o lo’o faigaluega, ona o si a’u tama faatoa lua tausaga talu ona faiaoga.

 “Ia o lena ua outou silafia e le o ni totogi tetele ia o le tele lava o mea fai , i le aiga aoga a tamaiti ma le tele lava o vaega o lo’o tele ina alu i ai tupe.

 “E tele lava ina alu e su’e mai nisi o tagata e fesoasoani pe a le  le fe’au’auta’i lava, a le o lena ua maua mai lava sina meaalofa mai fafo.

“O le taimi lea na sau ai le afā o Eveni sa i ai lava i uta nei , ma o lo’o lelei lava le vai a le nu’u nei aua o le vai tu’umaoti o lo’o ola ai ma le eletise.

© Samoa Observer 2016

Developed by Samoa Observer in Apia