Ua tatala e le Samoa Observer lana tauvaga o le Tusitala Short Story 2016

21 August 2016, 12:00AM

O e fia auai ia tuuina mai (online) e tusitala o loo nonofo i itulaga e tolu-Ausetalia ma Niu Sila, o tagata o totoe ai o le Pasefika ma Samoa. Mai ia i latou mai itulagi e manumalo, ona filifilia ai lea o tagata e manumalo aoao.

O se sailiga mo tusitala e sili ona lelei i gagana faa-Peretania ma le faa-Samoa i totonu o le Pasefika ua toe faagasolo foi e ala i le tatalaina o le tauvaga a le Samoa Observer Tusitala Short Story 

E pei ona i ai i le 2015, ua valaauina e le Samoa Observer tusitala o i Samoa ma le Pasefika atoa ina ia faasoa mai a latou tala i le gagana Peretania poo le gagana Samoa.Na soso’o ai ma le tulaga faamanuiaina o le tauvaga o le 2015 ma se tufatufaina o faailoa lea na tuuina atu ni faailoga tetele tau tupe i ni tagata manumalo se to’aono o vaega eseese ma le toalua na manumalo aoao, o lea tauvaga na taui atu ai foi tusitala o tala e maoa’e le fautuaina. “O ia tala faaopoopo e valu na aofia i totonu o se lomiga lea na fai ina ua mae’a le tufatufaina o faailoga.”   

E toe faailoa atu foi, sa malosi le lagolagoina o le Samoa Observer e kamupani a le atunuu ma faalapotopotoga e aofia ai le Digicel, , Ah Liki Construction, Air New Zealand, le National Bank of Samoa, Malo Aufaatasi, Samoa Spare Parts, Ace Hardware ma le Samoa Builders Supplies ma le Faletupe o le  ANZ Bank.

“Ua matou fiafia lava ona ia lagolago uma mo faailoga ma tau e faasino i ai o le tauvaga, na maua mai kamupani a tagata Samoa ma faalapotopotoga ma matou te faafetaia i latou mo lo latou talitonu ma saofaga o le alofa tau tupe.

O se faailoga fou e NZ$300 ua oe faaopoopo i le lisi o faailoga mo le 2016. 

 Ua foa’i mai e le S.P.A.C.L.S. ma o le a tauaao atu e Dr.Selina Tusitala Marsh.   

O i latou e fia auai ia tuuina mai luga o le initeneti e tusitala o loo nonofo i totonu o itulagi e tolu-Ausetalia ma Niu Sila, a o isi o tusitala uma o le Pasefika ma Samoa. Mai nei tusitala manumalo o itulagi, o le a filifili mai ai ni tagata manumalo se toalua o tusitala e manumalo aoao. 

O le lomiga,  “O lo tatou Tofi, o le Vasa,” o se tuufaatasiga lea o tala o le tauvaga o le 2015 lea o loo mafai ona maua mai le B.S.L., Eveni, Legend Cafē ma le Art Gallery, Siva Afi, le Pulega o Turisi a Samoa, S.S.A.B.ma le Ofisa o le Samoa Observer i Apia faapea foi ma le initeneti i le www shopsamoa.com 

O le tusi o loo aofia ai le 17 o tala ese mai tusitala i Amerika Samoa, Ausetalia, le Atu Kuki, Fiti, Niu Sila ma Niue. 

O le Tauvaga a Tusitala o Tala Pupuu a le Samoa Observer 2016 

E uiga i le Tauvaga 

• O se tauvaga a le Pasefika mo tagata matutua e 18 tausaga ma le sili atu ma e mafai ona e tusitusi i le gagana Peretania poo le gagana Samoa. 

• E na o le tasi le ulufale mo le tusitala e tasi o le a talia.

• .E leai ni tapu tau ituaiga o tagata, faatulagaina poo le autu.

• O tala e auai e le tatau ona sili atu i lo le 3,000 upu.

• O lau tala e faaulu e tatau lava ona avea ma galuega amata lea e lei lolomiina faasalalau muamua.

• Imeli mai le faauluga o lou auai e ala i faatonuga i lalo o loo i luga o e initeneti (www.tusitalacompetition.com)

• .E faigofie lava ona faaulu mai oe mai le nofoaga o loo nofo ai i le taimi nei. 

O na nofoaga o :

1. Ausetalia ma  Niu Sila

2. Atumotu o le Pasefika- Amerika Samoa, le Atu Kuki, Fiti, Hawaii, Kilipati, Nauru, Niue, Papua Niu Kini, le Atu Solomona, Tokelau, Tonga, Tuvalu ma Vanuatu. 

3. Samoa

E tele isi faamatalaga e maua atu mai le www.tusitalacompetition.com 

21 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>