Fa’afetai mo la’u galuega

By Aruna Lolani 21 July 2017, 12:00AM

O le tamā lenei ia Peleti Tau sa mafai ona fa’alauloaina e le Fofoga o Samoa i le vaiaso nei talu ai lona fia maua ai se galuega mo le aiga.  

Peitai sa mafai ona tali mai se tasi o Samaria Agalelei lona fanoaga ma maua ia le avanoa e faigaluega ai e avea ma se tagata fa’amama fanua. 

O le tamā lenei sa tatalo malosi ia maua sana galuega tumau aua lava le tausiga o le fanau ma le aiga. 

 “Ou te sau a e faamama iinei le fanua lea ma e maua ai se $40 mo le aso e tasi.

“E le lava ai se faasoa vagana ai a pea faasoa mo le aso e tasi.

“Aea na galue foi lea galuega aua le manaomia o le seleni ua le toe faigofie suega o galuega.

“E to’afa lau fanau ma o lo’o matou nonofo faatasi ma isi ou uso faapea le matou tina.

“Matou te galulue a la, aua o matou o lo’o va’aia ma tausia nei le aiga.

“E to’atolu lau fanau o lo’o aooga ma a leai se galuega lea, ia e leai foi se tupe e maua.

“A uma a lea galuega ua su’e foi sesi galuega e fai aua se seleni maua.

“Ma e mana’omia lava se fesoasoani i se galuega mautu aua le tausiga o si ou aiga ma ou te lelei lava i so’o se ituaiga galuega aemaise lava galuega tau ile fa’ato’aga.

Ae peitai o le aso lava na soso’o ai sa feso’otai mai ai le Komiti o le Aoga a Vaitele Tulagalua ia Ana Meredith mo le tamā e alu atu fai galuega. 

“Ina ua uma ona ou faitau le fa’amatalaga tusitusia le tama sa ou fa’atalatalanoa loa le matou puleaoga. 

“Ia o lea foi na au tasi uma ai le matou komiti ina ia sau Peleti e faigaluega.  

“Sa iai foi se tasi o tagata na fa’amama muamua le matou fanua ae peitai ua tei lava nofo.

“Ia o le ala foi le ao le toe faitau atu le fa’amatalaga a Peleti ma tonu ai loa se manatu e sau Peleti e faigaluega. I lo’u lava foi ia iloa o Peleti se tama galue malosi ma o lo’o naunau galue.   

“O tuaiga tagata foi nei e ao ona ave iai galuega. 

Na maua e Peleti lenei tala fiafia ma ua le nofonofo lelei i le mana’o e faigaluega. 

“Fa’afetai lava le agalelei ua maua ai le galuega. Fa’afetai ona o la outou polokalame. 

“Agalelei le Atua ma fa’amanuia le Fofoga o Samoa ae le gata i lea o le Aoga Tulagalua a Vaitele. 

By Aruna Lolani 21 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>