O le fiafia e afua mai i totonu o aiga

By Aruna Lolani 21 July 2017, 12:00AM

“O le manaia lava ia e afua ma fofoa mai i totonu o aiga.” Itagia Samuelu o Maninoa Siumu i le fa’atalatalanoaga ma le Fofoga o Samoa. 

O le tamāe 70 tausaga le matua le soifua mai le afioaga o Maninoa Siumu ma Vaiusu. 

O le maua ai le faa’talatalanoaga ma le tamā o lo’o sauna atu e malaga i tua i Maninoa e asi si ona aiga. 

“Ia o a’u ou te faiava mai nei i Vaiusu ae o lo’u nu’u o Maninoa Siumu. 

“Sa ou ola foi ma tupu a’e i Siumu ae o le taimi nei o lo’o matou nonofo ma si o’u to’alua i Vaiusu ona ua leai foi nisi o le aiga i nei. 

“I totonu si o’u aiga a maua le ti ma le talo ua lava ma totoe ae pau le mea taua o le nonofo ma ola fiafia. 

“Ia o a’u lava ia o tua lava e sili le nofo e tetele fanua ma e aoga foi  e galue ai i maumaga. 

“O le fanau e faigaluega uma ae o a’u lava ia e na’o le toto lava nai talo ma mea fa’apena. Ia e pei foi ona tau mai lenei taeao o lo’o tau sauni atu foi i tua e asi le fanau ma le matou aiga.

“Ia e tele foi na ave ana meamata le makeki pe a fua lana fa’atoaga. 

“O lea seleni e fesoasoani i le tausiga o le aiga i lea aso ma lea aso a’o lesi vaega e teu i le faletupe auāfa’alavelave e tutupu mai.

“E ui lava la i le faigata ae out e iloa e leai se mea e maua ma se filemu ona o le olaga lenei a le galue le tagata e le mafai ona manuia lona aiga ma lana fanau.”

Sa ia saunoa fo’i e mo’i lava i le tau o le soiifuaga ae e le o se mea fou.

“Iā te a’u lava ia ua masani lava i le tau o le soifuaga ua tele suiga inei onapo o lea foi la ua alualu a ii luga ma le tau o le soifuaga.

“Ae e le mafai ona nofoa’i ai e ao pea ona tatou galulue auā le tausiga o le aiga.”

“Pau lava le mea taua ia te a’u ia maua le fiafia ma ola feaklofai le fanau.

By Aruna Lolani 21 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>