Olaga fa’aipoipo laititi

By Aruna Lolani 21 June 2017, 12:00AM

O le olaga lenei e leai lava se sasi po se fa’aletonu. O le ala lava o filifiliga e faia e le tagata. 

O lea le manatu fa’alia o Tausafou Auapa’au o Manono ma Vavau i le la fa’atalatalanoaga ma le Fofoga o Samoa. 

Sa ia taua le taugata le soifuaga ae o le galue lava ma le fa’amaoni. 

“O a’u ua fai lo’u to’alua ma o a’u foi o se faifa’atoaga,” o lana le tala. 

“Sa ma nonofo ma lo’u to’alua i Vavau i lo’u aiga, peitai ua ma omai i nei e tausi le tamā o lo’u to’alua." 

“Ia pei ona lua maua mai a’u lenei ituala o lo’o fai le saka ia o talo mai lava i le maumaga." 

“Ou te iloa foi o le tele o tagata e faifai mai i lo’u fai to’alua laititi ae le’o le ala lea le na fai lo’u to’alua ona ua ou sauna lava e fai lo’u olaga ma tausi lo’u aiga." 

“Ou te lei fa’apea ua ou le usitai i o’u matua po se isi tulaga , o lo’u lava ia manatu ina ia aua nei ou ola fa’alagolago umi i o’u matua." 

“O lo’u lava ia tatalo, a  maua se ma fanau ia la ifo e manuia." 

“O le ala foi lea pei ona maua mai o lea e fai le maumaga aua se tupe maua." 

“O le olaga lenei o lo’o tatou iai, o le ola lava ma tausi aiga." 

“Ave lava le fa’amoemoe i le Alii e mafai mea uma, atoa ai ma le galue malosi e  manuia aim ea uma." 

By Aruna Lolani 21 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>