E mana’omia tele le vai ma le eletise

Tusia Fetalai Tuilulu’u ma Aruna Lolani ,

67 Hits

LEAI SE VAI MA SE ELETISE: Leata Tusipepa o Faleasi’u ma Vavau.

LEAI SE VAI MA SE ELETISE: Leata Tusipepa o Faleasi’u ma Vavau.

O Leata Tusipepa e 20 tausaga o Faleasi’u ma Vavau.

“O nei si o matou pito nu’u e leai se vai toe lei se eletise." 

“E lei leva na ma omai iinei ma si o’u to’alua. E lua vaiaso talu na ma omai i nei ona o si o’u tama ua ma’i." 

“Silasila atu foi le maumaga, ia o le alagatupe lena." 

“O si maua foi fale e le sefe se nofo, e tele lava le mana’omia se fesoasoani." 

“E fai o le leai se sauvai, leai se eletise toe fa’aletonu ma le fale." 

“Ae ou te ta’utino atu, ou te fia faigaluega aua e leai ma sesi lalo le la nei e fia nofonofo ai a i lona olaga atoa, ae peita’i o lo’u mana’oga lea e fia fa’ao’o i se aso a sau, aua o le taimi lenei, o lo’o fa’amuamua lo’u aiga ma lo’u tiute tausi aiga."

“Na’o lo’u to’alua ma te fa’atasi i le va’aiga o ona matua i le taimi nei aua mate nonofo I nei lo’u aiga. 

“O lo’o taumafai lava le mea e gata ai le mafai ina ia maua se seleni aua le ma eletise ae maise foi si o ma fale." 

“O lo’o fa’atali fo’i i se taimi e maua ai se ma fanau."

“O mea uma e amata mai i le olaga tau atia’e."

“O le olaga a le i le taimi nei, o le fai o le fa’ato’aga, fa’amama fanua ia ma fai fo’i ni feau e mana’omia e le matou faifeau ma lona faletua."

“O matou, ia e taua lava le matou ola tautua i le matou faife’au ma mea e fai le lotu aua fai mai le tala, e le fa’apea na’o ou galuega e maua ai ou manuia, o isi taimi e sau i tagata o lo’o faia le galuega a le tama o i le lagi."

“Ou te fai mana’omia tele sau fesoasoani ona o le tele o le vaega e fia fa’aleleia." 

Mo se tasi e fia fesoasoani ia Leata e maua le feso’otaiga le numera 7238840. 

© Samoa Observer 2016

Developed by Samoa Observer in Apia