Leai se eletise, leai foi se suavai

Tusia Fetalai Tuilulu’u ma Aruna Lolani ,

74 Hits

Olive Taufi o Mulifanua.

Olive Taufi o Mulifanua.

O nisi o taimi a leai ni vaega taua e mana’omia le olaga e faigata lava ona ola ma soifua se tagata.

Ae ui i lea e ave lava e faia lava vaega ina ia mafai ai ona maua le ola i lea aso ma lea aso.

O lea le manatu fa’alia o Olive Taufi, 69 tausaga le matua e soifua o Mulifanua.

Sa maua le fa’atalatalanoaga ma le Fofoga o Samoa o lo’o aga’i atu e tapena se tasi o latou fanua i tai le a’ai ae o le tinā e nofo i uta le togavao. 

“O a’u e leai se to’alua ae to’alua si a’u fanau." 

“Ia e faigaluega le to’atasi ae o le isi e ma te nonofo le fale." 

“Ia o le faigata lava lena o lo’o iai nei ae peitai e maua lava le fiafia ma le malosi mai le Ali’i." 

“E leai se vai e o’o atu gauta, sa fiu lava e talosaga le ofisa o suavai ae peitai o le tali tu’uina mai e le o’o atu se vai i gauta le fale." 

“Ia o lo’o faia lava le galuega o le la’u le vai." 

“O le alaga tupe e fa’amoemoe i le atali’i faigaluega ae le gata foi i lea o lo’o maumaga." 

“E ave lava fua o o’u fa’atoaga e fa’atau maua ai se seleni." 

“O le fa’amuamua lava e ave le fanau." 

“O le tofi mai le ali’i, o i tatou lava le ki ma le tatala o mea uma, o i tatou foi e ao ona tatou fa’apelepele ma fa’a’aooga le fanau." 

“A’oa’i le fanau e tusa ma ona ala a matua e le toe te’a ese ai lava." 

“O nei aso, ua alualu lava i luma suiga ma ua tau au na le iloa ai le va ma tagata, o le naunauta'iga lava o  matua pei o maua ma si o’u to’alua ia maua ni lumana’i manuia o le fanaua, ia iloa ola ma ia maua le fiafia." 

“Aua nei ola fa’alagolago ma ola samasamanoa ae ia ola ina ia mafia ona maua ni matua sili mo aiga, nu’u ma ekalesia." 

© Samoa Observer 2016

Developed by Samoa Observer in Apia