Soifua Maloloina Lelei e ala i le Taumafa o Mea’ai Paleni

Tusia Deidre Fanene ma Fa’aliliu e Maiava ,

270 Hits

Fa’atonu o Pulega o le Fa’alapotopotoga a le METI, o Dr. Walter J. Vermullen

Fa’atonu o Pulega o le Fa’alapotopotoga a le METI, o Dr. Walter J. Vermullen

Taumafa Tatau mo lou Soifua Maloloina Lelei, o le ‘autu lea o le fa’amoemoe o le Ekalesia Aso Fitu i Apia sa faia i le vaiaso talu ai, i le Fale mo Taumafataga i Tuana’imato. 

Sa fa’atumulia lea nofoaga i sui o le Ekalesia ae maise fo’i o uo ma aiga, ae maise le tulaga-‘ese o lea fa’amoemoe ona sa ‘auai ai le Sui Palemia o le atunu’u, le Afioga a Fiame Naomi Mata’afa.

Sa fa’atasi ai fo’i se tasi o Sui o le Fono a Sui Tofia, le Tofa a Tuiloma Pule Lameko, o le Faipule o le Palemene o  ‘Aumua Isaia Lameko fa’apea le Ta’ita’ifono o le Fono a Ekalesia So’ofa’atasi, le Afioga a le Ali’i Tiakono o Kasiano Le’uapepe ma le faletua. 

O le Fa’atonu o Pulega o le Fa’alapotopotoga a le METI, o Dr. Walter J. Vermullen, sa avea ma To’oto’o ‘Autu o le lea po, sa saunoa ai e una’ia le atunu’u sa ‘auai, ina ia taumafai e fa’atino nisi o vaega talafeagai, mo le soifua maloloina.

O fa’afiafiaga o lea po, sa saunia e le ‘Autalavou a le Ekalesia Aso Fitu mai Apia, lea sa manumalo i tauvaga o Fetu Talavou a le TV3, o sui-tauva o le Sa’iliga-Fetu a le TV1 ma le ali’i pese logologoa o Jerry Wallwork.

© Samoa Observer 2016

Developed by Samoa Observer in Apia