Moomia se fale lelei ma mautu

Tusia Seia Soloi ma Aruna Lolani ,

103 Hits

Talosagaina lau fesoasoani: Joe Isaako moomia sona fale fou mo le saogalemu o lana fanau.

Talosagaina lau fesoasoani: Joe Isaako moomia sona fale fou mo le saogalemu o lana fanau.

O lo’o talosagaina e Joe Isaako lau fesoasoani mo le fausiaina lea o sona fale fou mo ia ma lona aiga ma lana fanau.

O lo’o faigaluega nei Joe i le Farmers ae o lona toalua o lo’o faia le fatu-aiga tausi mo le la fanau

“O le olaga nei a le galue lava le tagata ia mo lona aiga e le maua se mea nai lo le ola faalagolago i nisi o tagata e faia lou aiga” o lana tala mai lea i  le Fofoga o Samoa

“E moni lava o lo’o maua galuega ma seleni ae e le gafatia ma e le talafeagai foi ma mea fai a le aiga."

O le naunau o le tama ia Joe, ia faia sona fale mautu ma le lelei mo lona aiga aemaise ai si la fanau e toaono.

“E to’alima o lo’o ao’oga i le taimi nei toatasi o lo’o i le fale ma o pili aoga a le fanau o pili o le vai ma le moli e le’o ni mea taugofie."

“O le tupe maua mai la’u galuega e mo’i lava e laitiiti ae e faamoemoe lava i le NPF e pei o le measili na ona taua ia te au ma le tausiga o lo’u aiga."

“O lo’o faia lava le galuega mo le taumafaiga o aiga ma fanau e moni lava e toatele le fanau ae taumafai lava i le mea e gata ai le taumafai i se seleni mo fanau"

“Pau le mea o lo’o faamoemoe iai lo matou aiga o le itu lea i  le maumaga ma le faatoaga e le faatauina ae e fesoasoani lea mo se meaai a le fanau i aso uma."

O le naunautaiga o Joe ina ia saogalemu o lana fanau pe a fua atu iai i le latou fale o lo’o iai i le taimi nei."

“Pei ona silasila ma ii  le fale e le’o se tulaga lelei ma mautu o iai aua e fai lava sina toatele o le fanau ma ua  le toe saogalemu pe a oo ina timuga,” o lana tala mai lea.

“Ua ala ona matou nonofo i  lenei fanua, aua o le matou fanua ua leva ma ua manatu ai e sili le omai e galue ma faamama ma o lea la ua tau atia’e ai lo’u ia aiga i le taimi nei."

“Po o lea lava se fesoasoani e maua mai o lena lava pau le naunautaiga ina ia maua se fale lelei mo la’u  fanau."

© Samoa Observer 2016

Developed by Samoa Observer in Apia