Manatu O Le Fa’atonu - Samoa e; tu’u i tai le va’a-tele

129 Hits

O Lupesoli’ai Joseph Parker- e lelei.  E tusa ai ma le tulaga ua tatou vaaia e o’o mai i le taimi nei, e matua uiga ese lava o ia. Ae peitai-o le a tonu lava le tulaga lelei ua ia te ia -o le a tatou maua lea nanei pe a faafeagai o ia ma se fili e le masalomia lona malosi ma le tulaga lelei o lona olaga fusu e o’o mai i le asō.

Atonu o se mea sese ona faapea o le fusuaga ma Carlos Takam i le Manukau Events Centre o le a avea lea ma faiga e faatino ai poo e taofi ai lea taua- i le avea ma igoa lauiloa ua iloa ai o ia, ae o loo tumau pea ona lava le taimi o Parker e tusa ai ma ona lima.  

Ae i le itu i le avanoa e una’i ai mo se fusuaga o le paga mamafa o le lalolagi e ono ofo mai, ona pau lava le taunuuga na te manaomia-e aofia ai i tatou uma lava-o se manumalo lea.

O le mea moni, o le toatele lava o i tatou e ioe e faapea o le tuuina atu o Parker e faafesaga’i ma sea ituaiga o fili e pei o Takam e ono avea lea ma ni mea faigata tetele-ia e ao mai faatasi ma taui tetele.

Ma afai e manuia le taaloga a Parker nanai, o lona uiga ua toe tasi lava lana fusuaga mai le ausia o se mea e le’i ‘ausia muamua e se isi lava tagata taalo i lenei vaega o le lalolagi- o le avea lea ma siamupini o le Paga Mamafa a le Lalolagi. 

O le pogai lea-o le fusu’aga nanei e matua taua tele. Ua outou silasila la i ai, faatasi ai ma mata o le lalolagi o fusuaga o le tuuina atu ia Parker ma le faiga o le a tali atu ai, o le a latou le tilotilo faapitoa mo se manumalo.

O le a latou fia vaaia i se taalo uiga ese o le a faaalia e Lupesoli’ai, o se mea lea o le a auina atu ai se faamatalaga uiga ese i le lalolagi e faapea ua saunia o ia mo se taimi uiga ese. O le tulaga uiga ese, i le faagasologa o le vaiaso atoa, o se vaega tele o ia ituaiga o ia fusuaga muamua-sa faapito lava i le fesili pe o le a faapefea ona faafeto’ai e Parker Anthony Joshua, faamata e maua se avanoa.

E tusa ai ma lo taou iloa, o lea tulaga e tatau ona avea ma mafaufauga lona lua mo Lupesoliai. O lea mea muamua ma e faamuamua i lona mafaufau o le alii lea o le a la faafesaga’i nanei. Ma mai mea ua lava ua tatou vaaia- e aofia ai le anoano o tone o mea o loo i totonu o le lomiga o loo e faitauina e uiga ia Takam-e le o ia o se tagata faavasivasi. O le itu la e ao ona faailoa atu, o le fusuaga lenei o le a avea ma lu’i aupito i malosi e tofo ai Parker.

O se laasaga tele i luga e tusa ai ma le faagasologa o lona olaga fusu ma e tatau ia Parker ona faailoa atu- na te mafai ona tali fusuaga tetele. O Takam ua loa ona i totonu o le maea ma isni o tagata fusu e sili ona lelei i le lalolagi.

E tino ese o ia, malosi, e matua finau, lava le koleni ma o loo ia tauaveina le poto masani e faaluaina lona tele i lo le poto masani o lona fili. O Nanei o le a tofotofoina ai Parker e peiseai e le’i tofotofoina muamua o ia.

O le fesili pe o ia Parker le auvae e mafai ona tali atu i lea sauaga –o le a maua le tali i lenei afiafi. E ui lava ina e le’i tu’iina o ia faapea i lona olaga fusu, ae i se tasi lava itu, e i ai le tagata o le a na faia le tu’ioti-ma o ia lena o Takam.

O lenei alii e na o le pisinisi lava e mana’o i ai. Ma ua nofo saunia o ia. Ae o loo saunia foi Parker. E tusa ai ma le mea ua tatou vaaia, na te iloa e tatau ona siitia lana fusu e tusa ai ma le lu’itau ma ua na iloa o le taimi lenei ua leva ona ia faatalitali i ai. 

O nisi tagata e faitau fia ma fia tausaga e ‘ausia ai le maualua na ausia e Parker i ni nai tausaga. Ae peitai e leai se mea e leaga ai lena tulaga; e le faapea ai e le o sauni Parker.

Faafofoga foi ia te ia: “E matua tele lo’u faaaloalo ia Careloa ma le mea ua na faia e tusa ai ma lona olaga taalo. Ua leva ona i totonu o le maea o ia ma isi igoa tetele.

 “Ua ou fiafia lava e lu’i se tasi e pei o Carloa, lea ua faasolo ina avea ma igoa lelei i luga o a’u faamaumauga, pe afai ou te faato’ilaloina o ia. O se manumalo o le a tuuina mai ai ia te a’u le avanoa e fusu ai mo se fusi. E i ai a’u sini. Ou te mana’o ia avea a’u ma siamupini o le lalolagi ma o le a ‘ou tuuina atu le avanoa i soo se tagata e faalavelave i lo’u ala.” Ina ia sauni mo nanei, ua uma ona faatino e Parker se togalauapi mo se taimi uma ma le faia’oga o Kevin Barry ma ua sauni e faailoa atu le malosi o lana tu’i lea ua faa-16 ona taofia ai ana fusuaga.

O se aso lenei e ese le fiafia mo a’u ma le ‘au. Ua ‘ou matua tilotilo lava i luma ia Me 21, ma o’o atu i totonu o le maea, ma faailoa atu i tagata uma lava le pogai sa matou matua koleni ai,” o lana faaaliga lea.

 “O se avanoa tele lenei, ou te fusu ai mo se faiga faatulagaina a le IBF. Ua ‘ou tauaveina i o’u lima e lua. Ua uma ona ‘ou faia le galuega. Ua uma ona fai e Kevin le galuega, ua uma ona fai e le ‘au atoa le galuega, o le a la sa’u upu e mafai ona fai atu?  Ua ‘ou fiafia. A o’o mai le po o le Aso To’ana’i, ua matou sauni e fai le mea e tatau ona matou faia, ma o lena mea-o le maua lea o le manumalo.”

Malo lava, Lupesoliai! Ua matua faigata lava ona faatali.. Matou te faapea atu ia e maua le mea sili mo nanei. E momoli atu foi a matou faamanuiaga mo le Manu Samoa Ta’ito’afitu ina ia manuia le Taaloga o le Taito’afitu i Lonetona. O se faaiuga uiga ese lenei o le vaiaso o taaloga mo Samoa

O outou mama na, ma ia faamanuia atu le Atua! 

© Samoa Observer 2016

Developed by Samoa Observer in Apia