Tapena Pesega e fa’afiafia i le Fa’amanatuina o le Tuto’atasi

Tusia Mormon News room ma Fa’aliliu e Maiava ,

157 Hits

FA’AI’ILA LE TALENI-SIVA: Tama ma teine-a’o’oga o le Kolisi a Pesega a’o alo i a’oga-siva aua le fa’afiafiaina o le malo ma le atunu’u i le fa’amanatuina o le Tuto’atasi o Samoa.

FA’AI’ILA LE TALENI-SIVA: Tama ma teine-a’o’oga o le Kolisi a Pesega a’o alo i a’oga-siva aua le fa’afiafiaina o le malo ma le atunu’u i le fa’amanatuina o le Tuto’atasi o Samoa.

Ua matua alo fiafia teine ma tama-a’o’oga o le Kolisi a le Ekalesia o le ‘Au Pa’ia o Aso E Gata Ai i Pesega, e tapena ma fa’ai’ila le taleni-siva, aua le fa’amanatuina o le Tuto’atasi o le atunu’u i le amataga o le masina fou. 

Talia fiafia e faia’oga ma fanau-a’oga a le Kolisi lea fa’aeaea ma ua fa’ananau ai e matua fai iai le fai-mea sili.

“O le a matou fa’afiafia mo le Ao Mamalu o le Malo le malo ma o se tulaga mata’ina tele lena,” o le fa’aaliga lea a Rodney Fomaia, le ta’ita’i o le kolisi.  “O le a tu’u uma iai le fai mea-lelei.”

O le Kolisi a Pesega, o se vaega tau-a’oa’oga a le aoao o le Ekalesia a Iesu Keriso o le ‘Au Pa’ia E Gata ai i le lalolagi, o se tasi o kolisi maualuga e a’oga e tolu i le atunu’u ua vala’aulia e le Ali’i Palemia. 

O isi kolisi e lua o lo’o vala’aulia, o a’oga uma a le malo. 

Na ta’ua e ta’ita’i o le kolisi, o lo’o mo’omia lava le taimi e fai ai a’oga-siva a’o le’i o’o i le fa’amoemoe peita’i i taimi lava, o lo’o va’aia le sagisagi fiafia o fanau e silia i le 800 o iai i le ‘au-siva, ma ua mautinoa ai, le lava-tapena e “fa’ateia” le malo ma vala’aulia ae maise le mamalu tele o le atunu’u o le a ‘auai i le fa’amanatuina o le Sisigā-fu’a.

Na fa’aalia fo’i e le Pule o le Kolisi, o Tu’ugatiti Le’auanae, o se avanoa le-‘aumaua fo’i lea, e tele a’oa’oga lelei e maua ai aua le aga’i i luma o taumafaiga a fanau.

“O lo’o galulue lava ma fa’asoa fa’atasi ma a matou tamaiti-a’oga, aua se siva ma isi vaega mo le fa’amoemoe. E iai fo’i a matou ta’aloga peita’i, e fai lava fo’i si fita o le tu’u-fa’atasia o tamaiti e sili atu i le 800,” o lana saunoaga lea.

“Matou talia ma le agaga fa’afetai. Aua o se avanoa e fa’asoa atu ai le ‘upu o le ola aua o le mea moni, e le’i vala’aulia muamua lava matou e le malo. O le matou taimi la lenei ma ua fa’anaunau ai e matua fai ia lelei.”

O le a fa’afiafia le Kolisi o Pesega mo le 20 minute i le Aso Lulu, 01 o Iuni, pe a mae’a ona sisiina le tagavai a le atunu’u.

© Samoa Observer 2016

Developed by Samoa Observer in Apia