O le vaiaso na se’i mavae atu nein a fa’ataunu’uina ai le Lotu Fa’amanatu a le Ekalesia Fa’apotopotoga Kerisiano Samoa i Kalaisitete. 

O le Ekalesia muamua lenei a le Ekalesia Fa’apotopotoga Kerisiano i Samoa i totonu o le ‘a’ai lenei ae o le lona lima i totonu o Niu Sila.

E tusa ai ma le tala oto’oto o le fa’agasologa mai ai ma le amatagaina o le galuega a le Atua i Kalaisitete, o lo’o manino ai o le Aso Sa, 17 Aperila 1966 sa tatala aloaia ai le fa’avaeina o le E.F.K.S. lenei i Niu Sila. 

O le taitai o lea sauniga lotu taua o le Susuga ia Siaosi leriko, le faifeau Toeaina mai Aukilani. O le lauga sa fofogaina lea e le tama faifeau mai Samoa o Siataga Tuiataga. O le sui foi lea mai le Ekalesia Aoao.

O lo’o faamauina i tala tusitusia o le aulotu e faapea e 5 aiga, ae pe a ma le 28 tagata na o latou amataina le au-lotu i lena Aso Sa. Sa faia learsauniga amata i le maota sa ta‘ua i na ona po, o le Friendly Hall i Hastings Street i le pitonuu o Sydenham, Christchurch.

O le Afioga i le alii tiakono o Tima’i ma le Afioga ia Mafola Timaloa o sui ia o le EFKS mai Aukilani. Ao le Afioga i le tiakono ia Ta’avao Pulepule Aiono, sa fai ma sui o le aulotu EFKS mai Ueligitone.

O le sauniga foi lea sa faauuina ai Nasau Fuimaono ma le faletua ia Lima; So’iso’i Manu ma loimata faapea Anetone Simanu ma Sina e avea ma tiakono o le aulotu. Sa faapena foi ona toe aloaia ai le faaaogaina o le tofi tiakono o le Tofa Feaunati ma le tausi ia Atoalii mai Samoa. O tiakono ia, sa o latou tau’aveina le galuega i le amataga.

O le ‘aufaigaluega a le Atua na galulue ma vala’auina mo le galuega ;  (i) Sekone loane ma le faletua ia Avae’e. O le faafeagaiga muamua lea a le EFKS i Kalaiasetete. Na osi feagaiga Sekone ma Avaee ma le aulotu i le masina o Oketopa 1967.

O lo'o ta'ua fai mai; o taimi aupito faigata lava ia o le galuega a le Atua i lenei ‘a’ai. Peita’i sa alofagia e le Atua le tama faifeau ma si ona faletua. O tiakono ma faletua olo’o ta’ua; oi latou ia e taunuu mai o lo’o galulue i le Ekalesia.

Feaunati ma Atoalii Alesana; So’iso’i ma loimata Manu, Nasau ma Lima Fuimaono, Anetone ma Sina Simanu, Fareni ma Faoa Tulia, Pulusila ma Salote Sagapolutele, Urima ma Maryan Setu, Agaese Solia ma Levale Peseta.

O le tausaga e 1974 na susu ai Sekone ma Avae’e i le la malologa ina ua mae’a le valu (8) tausaga e tusa ma i’uga a le Ekalesia. Paga lea, e lei toe taliu mai le faifeau ma le faletua e faaauau le galuega. Ua o i Aukilani ma nonofo ai lava. 

(ii) Tepa Faletoese ma le faletua ia May. O le faafeagaiga lona lua lea a le Ekalesia. Na osi feagaiga ma le aulotu i le masina o Setema i le tausaga e 1974.

O le galulue ai o Tepa ma May i le aulotu, na latou faatauina ai le falesa ma le hall i le tulimanu o Colombo ma Brougham Streets e avea ma mea totino a le EFKS. Na faapaiaina ia mea totino i le Aso 23 Aperila 1977.

Sa faaigoaina le malumalu: “O le Satauro o le Manumalo", ae faaigoa le hall “O le Mapusaga". O lo’o tau’aveina pea ia igoa i le falesa ma le hall ua iai nei. E silia i le 20 tausaga o tapua'i ai ie Ekalesia i lea nofoaga.

O le Susuga foi ia Tepa ma May sa tofia e avea me Faifeau Toeaina ole Pulega a le Motu i Saute. Peita’i ina ua faamalolo Tepa ma May i le Aso 14 ole masina 0 Me 1980, e le’i toe foi mai le Toeaina ma le Faletua e faaauau le galuega.

Ua o atu lava i Ausetalia ma alala ai. Mo le silafia; o Tepa ma May oi la’ua na faavaeina le ulua’i aulotu EFKS i Sini Ausetalia. 

(iii) Temo Pati ma le faletua ia Faafe’ai.  O le faafeagaiga lona tolu (3) lea. Na osi feagaiga ma le aulotu i Kalaiasetete i le Aso Toonai Aso 25 0 Aperila 1981.

Peitai o le Aso Sa Aso 5 o Fepuari 1984 na lauga faamavae ai Temo i le aulotu ma tu'ua ai lava le galuega i le afiafi ina ua mae’a ona tatala aloaia le feagaiga e le toeaina o le pulega (Sekati Masina) i le Aso Toonai ua tuana’i.

Na iai nisi o aiga o le aulotu na o ese atu ma le faifeau; ae sa nonofo pea le toatele e faaauau le galuega. 

(iv) Tumama Vili ma Elisapeta. O le faifeau lona fa lea, na osi feagaiga ma le aulotu i le Aso Toonai Aso 21 o Tesema 1985. O lo’o galulue pea e o’o mai i le taimi nei. E taunuu mai le faifeau ma lona to’alua i le aulotu i Kalaiasetete, 0 loo tulaga lelei mea uma lava i le Ekalesia.

Ua iai le fale 0 le faifeau faapea le falesa ma le hall e pei ona ta’ua. E 17 tiakono ae pe a ma le 26 aiga. E lei umi ae toe foi mai isi tiakono sa nofonofo. Lelei le autalavou ma le Aoga Aso Sa.

Ua ta’ua nei tulaga uma ona ua lagona le loto faafetai i le Atua; aua e taunuu mai 0 loo iai mea-totino, aemaise o le aulotu e galulue ai.    

O se tala oto’oto i galuega na fa’atinoina mo le fausiaina o le malumalu ma le hall o le Ekalesia o lo’o manino mai e fa’apea ina ua maitauina, ua agai ina tuai le falesa ma le hall (muamua ona fausiaina) , aemaise ua le saogalemu mo tagata; ona manatu ai lea e saili se fanua e aga’i iai le galuega a le Atua.

O le Aso 10 0 Aokuso i le 1986 na faatauina ai le fanua lenei e 8 eka lona tele. O le tausaga e 1997 na fausia ai le faleaoga 0 le Aoga Faataitai. O le Aso 27 luni 1998 le faaulufalega 0 le malumalu “Le Satauro Manumalo” e faaauau ai tapuaiga ile Atua soifua.

O le Aso Toonai Aso 21 Oketopaile 2000 na umusa ai le Mapusaga Fou Hall. Ae ole Aso 26 Tesema 2008 na umusa ai le maota o le galuega 0 loo iai nei.

E ui sa tele fitā na uia ae na lagona le loto fa’afetai o le Ekalesia ona o lo’o agalelei pea le Atua.