Taiala mo le Atina’eina o Itumalo

21 March 2018, 12:00AM

(PEPA FA’AMATALAGA) O le Atina’eina o Itumalo i totonu o le atunu’u o se polokalame o lo’o fa’atautaia e le Matagaluega o Tina ma Tamaitai, Atinae o Nu’u Afioaga ma Agafeso’ota’i i le galulue so’oso’o tau’au ai ma afioaga o itumalo taitasi.

O le manulauti o nei fuafuaga ina ia faia ni Komiti i totonu o Itumalo latou te fa’atautaia a latou lava atina’e e faailoa ai le vaega ua ave iai lo latou fa’amuamua i vaega o le soifuaga e aofia ai le le ola a’oa’oina lelei o fanau, soifua maloloina, solitulafono ma le saogalemu, vaega o le tamaoaiga aua le manuia ma le sologa lelei o le Soifua i totonu o aiga o le Itumalo.

O lenei faamoemoe i Itumalo taitasi o loo faatauaina ai le sao / leo o soo se tagata i totonu o le Itumalo e aofia ai ma i latou e iai aafiaga tumau o le soifua. O le Itumalo o Anoama’a i Sasa’e sa faatautaia le latou faatalatalanoaga o se latou taiala i le Aso 13 & 14 o Mati, i le maota o le Ekalesia i Falefa.

O Anoama’a i Sisifo na faia le faatalatalanoaga i le maota o le Sui o Nuu i le afioaga i Eva i le Aso 15 & 16 o Mati 2018.

21 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>