Fa’amanatu le Aso Sa o le Laupama ma le Amataga o le Vaiaso Pa’ia

21 March 2016, 12:00AM

Tusia - Iliā L Likou

 

O le aso ananafi na fa’amamaluina ai e le to’atele o le ‘au Kerisiano i Samoa nei ma le lalolagi atoa le Aso Sa o le Laupama po o le Malaga Fa’atupu a Iesu i Ierusalema.

O lea fo’i la ua amata le amataga o le Vaiaso Pa’ia i lenei vaiaso.

O le tele ai o Ekalesia ese’ese i le aso ananafi na o latou fa’atinoina ai le fa’amanatuina ai o lenei Aso Sa Laupama e pei ona masani a’i.

Mo le Ekalesia Fa’apotopotoga Kerisiano i Samoa o Aoga Aso Sa latou te fa’atinoina le Malaga Fa’atupu o Iesu I Ierusalema.

Saunoa le Susuga i le Fa’afegaiga o le E.F.K.S. i Nofoali’i , Tupou Situfu e fa’apea o la latou Polokalame e fa’atinoina lava e le fanau ma o  le tala mai le Tusi Pa’ia o lo’o o latou fa’aaogaina.

“O le vaiaso taua tele lenei i le Kalena o le ‘Au Kerisiano lea ua amata atu ai i le asō le fa’amanatuina ai o Aso Sa o le Laupama a’o lumana’i ai lona maliu ma le Toetu Manumalo mai.

“O le fa’ailoga lava lea o le filemu ma le Manumalo a’ia’i ai o Iesu Keriso ina ia magalo i tatou tagata agasala.

“E fa’amanuia tele atu ai le Ekalesia i Nofoali’i nei i a Samoa atoa a’o alo atu ai lenei vaiaso paia.

O nisi nei o ata mai le Aoga Aso Sa a le E.F.K.S. i Nofoali’i i le aso ananafi.

 

 

21 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>