Ua le ma le mativa, fia moomia so’u fale fou

Tusia Seia Soloi ,

146 Hits

Le Tina ia Filomena Letiataulevao, 64-tausaga le matua mai Levi, Saleimoa.

Le Tina ia Filomena Letiataulevao, 64-tausaga le matua mai Levi, Saleimoa.

O le augani lea a le Tina ia Filomena Letiataulevao, 64-tausaga le matua mai Levi, Saleimoa i le Fofoga o Samoa i le aso ananafi, e fia moomia se fesoasoani mo le faia lea o sona fale fou e nofo ai. 

O le masani lea a le Tina I taeao uma ma aso uma, aua e leai se fanau aoga a le Tina e tau ala po ai I taeao uma, o le faia lea o lana togalaau-

“Ua ou masani ai lava iai, aua e maua ai foi lo’u malosi ma faatupuina ai lo’u malosi out e galue ai manu ao maua le ola”

E leai seisi o le aiga o Filomena e faigaluega pe e aoga foi, ae o le fanua koko lava o lo’o faamoemoe iai le latou aiga I mea e fai a le nuu ma le ekalesia aemaise le tausiga o le latou aiga:

“O mea tetele nei e lua o lo’o faaaluina ai a matou tupe, o faalavelave I totonu o nuu, o le ekalesia aemaise o mea fai a aiga, aua toeitiiti lava aso uma e le misi ma le faalavelave”

“E ese le faigata o si o’u aiga, aua e toalua foi la’u fanau e iai o laua manaoga faapitoa, o le ala tonu lena, aua e le faigofie fanau pe a maua mai seisi i nei tulaga”

“O le toga koko ma le faatoaga lea o lo’o faatau aua se tupe, tele mea e fai ae e le mafai ona tatou ‘aloese mai ai aua ua masani ai lava o tatou tagata”

E ui I le taugata o le soifuaga ae talitonu le tina ia Filomena, e sau a le taimi ma ona suiga ma ua alu ai foi I luga le tau o le soifuaga:

“E taumafai lava ia maua se meaai mo aso uma, aua na’o le $20 I le $30tala le tupe e maua mai I mea o lo’o faatau ae a fua atu I mea o lo’o faaaoga ai, e lelava toe taugata.

I lenei vaitau I le tetele ai o timuga ma tafega, o le manaoga sili lea mo ia ma lona aiga, o se fale ina ia lelei ma mautu-

“O lo’o matou nonofo I le faleo’o, ua le ma lava le mativa e aisi pe talosaga atu ai mo se fesoasoani, o ai lava seisi, matou te talia lava ma le loto faafetai”

“Tele le faaletonu pe a oo ina timu, e tutulu toe le ofi le fale, ua faaaoga foi tapoleni e punipuni ai, aemaise le pu mo’omo’o e le ofi”

“Ua le ma lava e ta’u atu, tusa po lea le mativa i fea, e taumafai lava”

Afai ua mu lou loto e te foai mo le tina ia Filomena ma lona manaoga, faafesoota’I le numera o le telefoni #7745605

© Samoa Observer 2016

Developed by Samoa Observer in Apia