Tofi lava o le Tautua Aiga

Tusia Fetalai Tuiluluu ,

72 Hits

Le ali’i talavou ia Gary Peres.

Le ali’i talavou ia Gary Peres.

O le maua ai o le fa’atalatalanoaga a le Fofoga o Sanmoa ma le ali’i talavou ia Gary Peres na ia fa’ailoa ai o a tofia oe e faia se galuega o lou lava lea galuega fai I aso uma.

E ui ina eseese lava tagata ma lona faasinomaga ae tasi lava le tulaga o lo’o aga’i uma ia o le fatu aiga tausi lava.

“Ia o lo’u lava ia va’ai iai le olaga e uma lelei ona faavasega le tagata ma lana e fai. 

“O le uiga o la’u tala e ola lava le tagata ua iloa lona taunu’uga ma la’asaga uma o le olaga. O lona lea manatu.

I le olaga o Gary sa ia mafai ona fa’asoa mai i le Fofoga o Samoa lona lava matafaioi o le fatu aiga tausi lea.

“Na ou tuua le aoga ae fa’asaga e fai le fatu aiga tausi e ala i le maumaga aua pau lea o le alagatupe o lo’o fa’amoemoe ai si o’u aiga.

“Peitai sa maua se tasi o fa’amanutaga e talai ai le talalelei le Alii ma tu’ua ai aiga mo atunu’u i fafo.

“Sa lilo i manatu e toe maua mai lo’u tagata tuai peitai ua tou tagatagaa’i mai ua toe foi mai lava i le fai maumaga.

“Ma  ou te le faitio pe augata e fai aua o ia vega uma o auala e maua ai fa’amanuiaga, ma o se tasi foi o lu’i tau i lo’u nei tagata. 

Sa taua foi e Gary o mea fai le aiga, o mea fa’alelotu e fa’amoemoe uma lava i le tupe maua mai i le fa’ataugameamata. O se galuega na ola mai lava o a’oa’o  mai ai i lona tama ma ua avea foi ma a’oa’oga i lona tupulaga talavou.

“E ui lava tele o taimi e augata ai ma fa’avaivai ae peitai e lagona lava e malosi o le tino ma le manatu fina’u aua ua tatou iloa lelei e le faigoife le ola galue ma le fatu aiga tausi. 

“I le taimi nei ua fa’amae’a mai ai se tasi o galuega ae o lo’o iai lava ma fa’amautuina le olaga galuega i le tausiga o aiga.

Sa mafai foi e Gary ona faasoa mai se a’oa’oga taua e tusa ai ma lana galuega sa iai o le ola tutoatasi ma le ava i matua ae le gata i lea o le ola lava ma mauitnoa o lou lava ala manuia ma lou fa’asinomaga.

© Samoa Observer 2016

Developed by Samoa Observer in Apia