A’oA’oina e ola Tuto’atasi

By Seia Soloi 21 February 2017, 12:00AM

Aua ne’i o tatou ola faalagolago i nisi tagata, ae ia o tatou galulue tatou lava mo le manuia o tatou aiga ma le tausiga o fanau.

O le manatu lea o le Tina ia Tala Tavu’i, 48-tausaga le matua mai Fusi,Safata ia aua nei ola faalagolago ma faamoemoe i isi ae galue lava oe mo lou lava aiga ma lou lumanai manuia I le tausiga o fanau aua so latou lumanai-

“E sa’o ua taugata le soifuaga ae e leai se tatou mea e mafai ona fai ai, pau lava le mea e fai, o lou galue malosi lava mo oe ma lou aiga, ae aua le ola faalagolagio” o lana tala lea I le Fofoga o Samoa

“E sui a le olaga ma siitia ai ma le tau  le soifuaga”

E leai seisi o I laua e faigaluega na’o le faatoaga e faamoemoe iai-

“E fai le ma maketi I tua, e faatau ai meamata ma isi fua o faaeleeleaga aua se tupe maua mo a’u ma lo’u toalua ma le ma fanau e toafa”

O mea fai a le Nuu ma le Ekalesia ae o faalavelave fai Itotnu o aiga I aso fai so’o, o leisi lea itu o lo’o alu ai le tupe tele a Tala ma lona aiga-

“E faia lava aua ua tatou masani ai lava iai”

Ua maitauina e le tina ia Tala le eseesega o le nonofo ai i Apia ma Nuu i tua-

“Leai ni faalavelave tetele e tutupu e pei o taavale lavevea, femisaa’i o tagata ma le tele lava o isi mea o lo’o alia’e mai i le olaga I lenei vaitau.

O le manaoga o Tala ia lava lona malosi e galue ai ma tausi lana fanau aemaise o lona aiga, aua e le faigofie le suega o le tupe, a le afu le muaulu e le maua se mea lelei mo lou aiga I le lumanai.

O feoaiga I taavale leisi itu faigata ia Tala ma lona aiga, aua e mamao mai ma le taulaga-

“E tau sue se taavale e aumai ai meamata ile maketi e faatau ai, fai o le taugata, o le pu’e lava o le pasi le auala faigofie ma e taugofie foi toe gafatia e i maua”

O lana feau foi lea mo nisi aiga o lo’o ola faalagolago i lenei vaitau-

“Galue mo lou lava aiga, ae aua le ola faalagolago, faaaoga tatau le malosi e faia ai mea uma mo le manuia o oe ma lou toalua ma lau fanau I le lumanai.

By Seia Soloi 21 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>